Popular Bible Verses from JEREMÍAS 18

Share

“Israel aillucunalla, ¿nachu cangunatapash, alpa mangata ruraj cai runashna rurai ushani? Ricuichi, mangata ruraj runajpaj maquipi turushnami, can israelcunapash ñuca maquipi canguichi. Mandaj Dios ñucallatami, chashna nini.

Ñucaca cungashcapimi, gentecunatapash, llactacunatapash fiñashpa, sapimanda llujchishpa urmachinata, tucuchillata tucuchinata villagrini. Ashtahuangarin tucuchishami nishpa villashca chai gentecuna nalita ruranata saquishpa ñucapajman tigrarijpica, paicunata llaquichingapaj munajushcamandaca llaquirishami.

Ashtahuangarin maijan gentecunatapash, maijan llactapi mandajcunatapash tarpunshna, ñapash shayachinatami villachisha. Shinallata ñuca rimashcata na cazushpa, ñuca ñaupajpi nalita rurajpica, paicunaman alita ruranata yarijushcamandaca llaquirishami.