Popular Bible Verses from JEREMÍAS 10

Share

Mandaj Dioslla, runapaj causaica na paipajchu. Pipash quiquin causaitaca, na mandai ushanllu. Chaitaca yachapanimi.

Mandaj Dioslla, canshnalla shujca pipash na tianllu. Canllami jatun cangui, ninan ushaita charij shutimi cangui.

Ashtahuangarin Mandaj Diosca, na llullaj Taita Diosmi. Paica, causajuj Taita Diosmi, causaita causaicaman Jatun Mandajmi. Ninanda pai fiñarijpica, alpapash chujchunllami, shuj llactacunapi causajcunapash, na causai ushanllu.

Shina cashcamandaca Mandaj Dioslla, llaquichihuailla. Ashtahuangarin ama tucuilla tucuchingapaca, ama ninandapacha fiñarishpa, ricushpalla llaquichihuangui.