Popular Bible Verses from ISAÍAS 65

Share

Paicuna nara cayajpillatami ñucaca tigrachisha. Paicuna nara rimajpillatami, ñucaca uyasha.

Ricuichi, ñucami jahua pachatapash, cai pachatapash mushujta rurasha. Punda ima tucushcataca, cungashcami canga. Yuyaimanllapash na shamungachu.

Na yanga trabajanajungachu, paicuna ungushca huahuacunapash, na cutin llaquichi tucungapaj mirangachu. Paicunaca, Mandaj Dios bendiciashcamandami, paicunapaj miraicunahuan tandanajushpa causanajunga.

Shujcuna causanajuchunga, na huasichinajungachu. Shujcuna micuchumbash, na tarpunajungachu. Ñuca agllashcacunaca, quirucunashna unaitami causanajunga. Ñuca agllashcacunaca, paicunapaj maquihuan imatalla rurashcahuanmi cushijushpa causanajunga.

Chaipica shuj huahuallapash, na huaquin punllacunatalla causashpa huañungachu. Rucucunapash, huañuna punllapash nara pactajpillataca na huañungachu. Patsaj huatata charij huañushpaca, huahuarami huañunga. Patsaj huatapilla shuj runa huañushpaca, juchayu cajpi Dios ninanda nalicachishcamandami huañunga.

Atujca, maltun jari llamahuan, ishcandi micushpa purinajungallami. Leonbash, huagrashnami jihuata micunga, culebrapash alpatami micunga. Ñucapajlla tucui urcupica, llaquichishpa charijpash, nalita rurajpash na tiangachu” ninmi Mandaj Diosca.

Ñucapash, Jerusalenhuanmi cushijusha, ñuca agllashcacunahuanmi ninanda cushijusha. Jerusalenbica, ima llaquimanda huacaipash na ashtahuan uyaringachu, llaquihuan caparinapash na uyaringachu.