Popular Bible Verses from ISAÍAS 60

Share

“Sion shuti pueblolla, jatarishpa punchapamba ricuriyari. Canda punchayachij michaca, ñami shamushca. Cambaj jahuapica, Mandaj Diosmi punchapamba ricurijun.

Shuj llactacunapi causajcunaca, can punchayachijuj michapimi purinajunga. Jatun mandajcunapash, can punchayachijpimi purinajunga.

Ricuichi, cai pachataca, yana yana tutami quilpanga. Llactacunapica amsayangami. Ashtahuangarin candaca, Mandaj Diosmi pacarichinga. Cambaj jahuapimi, paica punchapamba ricuringa.

Shuj uchillagumandaca, huaranga huarangashnami tucunga. Ashtahuan ashallagumandaca, ninan shinlli llactashnami tucunga. Mandaj Dios ñucallatami, caicuna chashna tucuna punllacunataca, ucha pactachisha” nijurcami.

Punllapi indi punchayachishcapash, imapajpash na valingachu. Tutapash, lunaca na punchayachingachu. Ashtahuangarin Mandaj Diosmi, causaita causaicaman canda punchayachij micha canga. Cambaj Taita Diosmi cambaca, juyailla punchapamba canga.

Cambaj indica, napacha tutayangachu, cambaj lunapash, napacha yanayangachu. Mandaj Diosmi, causaita causaicaman canda punchayachij micha canga. Cambaj llaqui punllacunapash tucuringami.

Chaita ricushpami cambaj ñavica, punchapamba punllayanshna ricunga. Mama cucha chaupipi tiaj llactacunamandapash, ashtacacunami cambajman shamunajunga. Shuj llactacunapi causajcunapaj imatalla charishcacunatami, canman caranajunga. Chaipimi, cambaj shunguca ninanda cushijunga.

Cambaj ñavita alsashpa muyundi ricuyari. Tucui caicunami tandanajumushca. Cambaj churicunami carumanda shamunajunga, cambaj ushicunataca, marcashpami saquij shamunajunga.

Cambi causajcunaca, tucuicunami imatapash cashcatapacha rurajcuna canga. Paicunaca llactatami, paicunapaj cachun causaita causaipaj japinajunga. Paicunaca, ñuca tarpushca yuracunapaj sapimanda viñashca yuracunashnami canga. Ñucata ninanda alicachingapaca, ñuca maquihuan rurashca chagrashnami canga.

Cambaj llactapica, ninanda llaquichinajuipash, tucuchi tucunapash, faquinshna llaquichi tucunapash cutinga na tiangachu. Ashtahuangarin cambaj pueblo muyundi jatun pircacunataca: ‘Quishpirinami’ ninguimi. Cambaj pueblo pungucunataca: ‘Diosta alicachinami’ ninguimi.

Cambaj pungucunaca pascarinajungallami. Tutapash, punllapash na vichangachu. Shuj llactacunamanda imatalla charishcacunata apashpa yaicumuchun, chai llactacunata jatun mandajcunatapash cambajman pushashpa yaicumuchunmi, chashna pascariajunga.

Ashtaca camellocunami, canda muyundi quilpashca shayanajunga. Madián shuti, Efa shuti llactacunamandami dromedario nishca animalcunapi shamunajunga. Sabá shuti llactamandapash, tucuicunami shamunajunga. Orota, inciensota apamushpami, Mandaj Diosta alicachishpa villanajunga.

Cambaj muyundi pircacunataca, shuj llactacunamanda shamuj runacunami shayachinajunga. Paicunata jatun mandajcunami, candaca servinajunga. Ñuca fiñarishca cashpami llaquichircani. Ashtahuangarin cunanga, alita rurangapaj munashpami, cangunataca llaquisha.

Jichushca, pipash na ricunayachishca, cambaj ladotaca pipash na yalingapaj munashpa canapaj randica, ñucami candaca causaita causaicaman alicachi tucuchun rurasha. Tucui huatacunata cushijushpa causanatami rurasha.

Shuj llactacunamanda, imagutapash chasquishpami, lecheta ufianshna causangui. Jatun mandajcunami, mama chuchuchijunshna imatapash caranajunga. Shina rurajpimi Mandaj Dios ñucataca, canda Quishpichij, canda llaquimanda Llujchij, Jacoboman ushaita cuj cajtapash yachahuangui.