Popular Bible Verses from ISAÍAS 6

Share

Chai jipami, Jatun Diosca: “¿Pitata cachashayari, maijanshi ñucanchi imatalla nishcataca villagringa?” nijujta uyarcani. Chaita uyashpami: “Ñucami caipi capani, ñucata cachahuailla” nircani.

Chai angelcunaca, caishuj chaishujmi cashna ninajurca: “Jucha illaj, jucha illaj, jucha illaj, tucuita Mandaj Diosmi. Tucui cai pachaca, paipaj punchapambahuan jundami” ninajurcami.

Chaita ricushpami, cashna yajurcani: “¡Aij ñucalla, huañugrinimi! Ñucaca, mapa shimicunata rimaj runami cani. Mapa shimicunata rimaj runacunapaj chaupipimi causani. ¿Chashna runa cashpatachu, tucuita Jatun Mandaj Diostaca, ñuca ñavihuambacha ricujuni?” yajurcanimi.

Jatun mandaj Uzías shuti runa huañushca huatapimi, ñucaca Jatun Diostaca shuj jatun tiarinapi tiajujta ricurcani. Chaipi tiajujpimi, paipaj jahualla churajunapash, Diospaj huasi ucu junda mandarishca carca.

ñuca shimiman chai ninata tacachishpa cashna nihuarca: “Ricui, cambaj shimica cai ninapi tacarircami. Chaimandami, can ima nalita rurashcapash ña anchurishca. Cambaj juchacunapash fichashcami” nihuarcami.

Paipaj vichaipica, sucta alasyu serafín nishca angelcunami tiarca. Chai angelcunaca, ishcai alascunahuanga, paicunapaj ñavitami quilparinajurca. Caishuj ishcai alascunahuanga, paicunapaj chaquitami quilparinajurca. Shinallata caishuj ishcai alascunahuanga, jahuatami rinajurca.

Shina yajujpimi, serafín nishca ángel puramanda shujca, ñucapajman huairapi shamurca. Paica, altar jahuapi tiajuj ninata shuj tenazahuan japishpami

Shina nijpimi, paica cashna nihuarca: “Shina cashpaca rilla. Chai gentecunaman, cashna nigri: ‘Ali uyashpapash, na yuyaita japishpami causanguichi. Ali ricushpapash, ima cajta na yachashpami causanguichi’ nigri.

Chai jipaca, cai gentecunapaj shunguta shinlliyachingui. Paicunapaj rinritapash, ñavitapash vichangui. Paicunapaj ñavihuambash ama ricuchun, rinrihuambash ama uyachun, shungupipash yuyaita ama japichun, ñucapajmambash ama tigrarichun, chashna rurangui. Shinamandami paicunapaca, ali tucunapash na tianga” nihuarcami.