Popular Bible Verses from ISAÍAS 51

Share

“Ñuca, ñucapachami, cangunata cushichij cani. ¿Cangunaca, ima cashpata jupashna chingajlla huañuna aichayu runatara manllanguichi?

Cangunapaj shimipimi, ñuca rimashca shimicunata churarcani. Jahua pachataca, telata chutanshna churashpami, cangunataca ñuca maquihuan llandunshna cuidani. Cai pachatapash, alipacha shinllitami churarcani. Chaimandami, Sion shuti pueblopi causajcunataca: ‘Cangunaca, ñuca agllashcacunami canguichi’ nini” ninmi.

Imatapash cashcatapacha ruranata yachajcuna, ñucata uyaichiyari. Ñuca mandashcataca, cangunapaj shungupimi charinguichi. Shuj gentecuna rimashpa pingaichinataca, na manllanachu canguichi. Paicuna nalicachishpa rimajpipash, na huañunalla tucunachu canguichi.

Mandaj Dios ñucaca, Sion shuti pueblopi causajcunataca cushichishapachami. Imapash illaj chulunlla sirijujtaca cushichishapachami. Jichushca sirij pambacunataca, paraíso nishca juyailla jardinmanmi tigrachisha. Chaquishca pambacunataca, Mandaj Diospaj huertatashnami rurasha. Chaipica, ninanda cushijushpami, ñucata alicachishpa candanajunga.

Mandaj Dios quishpichishcacunaca, Sion shuti puebloman cutin tigramungapachami. Cushijuihuan candashpami, Sion shuti puebloman tigranajunga. Paicunapaj jahuapica, causaita causaicaman cushijuimi tianga. Paicunaca, ninan cushijuitami charinga. Nanaipash, aij nishpa huacanapash tucuringami.