Popular Bible Verses from ISAÍAS 43

Share

Ricuichi, ñucaca mushujtami rurasha. Canguna na ricushcatami rurasha. Chaitaca, ñallami ricuchigrini. Cutinmi, jichushca pambapi shuj ñanda ruragrini, chaquishca pambapimi jatun yacucunata surcugrini.

Yacuta yalinajujpipash, cangunahuanmi casha. Jatun yacuta yalinajushpapash, na huashajunguichica. Nina jahuata purinajushpapash, na rupanguichica. Nina rupajushpapash, cangunataca na rupachingachu.

Punda chashna tucushcataca, na yarinachu canguichi. Ñaupa huatacuna chashna tucushcataca, na ashtahuan yuyaipi charinachu canguichi.

Jacobopaj mirai israelcunalla, cangunata Ruraj, cangunata Callarichij Mandaj Diosca, cunanga cashnami nin: “Na manllanachu canguichi, ñucami cangunataca quishpichircani. Cangunapica, ñuca shutitami churarcani, ñucapajmi canguichi.

Cangunaca, ñuca ricuipica ninan valishcami carcanguichi. Ñucapi alicachi tucushcacuna cajpimi, cangunata juyani. Cunambash cangunapaj randica, shuj llactacunapi causanajuj runacunatami cusha.

Ñucami, cangunata Mandaj Taita Dios cani. Cangunata Quishpichij, israelcunapaj jucha illaj Diosmi cani. Egiptopi causajcunataca, cangunapaj randimi curcani. Etiopía shuti, Seba shuti llactacunapi causajcunatami, cangunapaj randi curcani.

Na manllanachu canguichi, ñucami cangunahuan cani. Cangunapaj huahuacunataca, indi llujshimuj ladomandapash apamushallami, indi huashajuj ladomandapash tandachimushallami.

Ñuca, ñucami canguna jariyashpa rurashca juchacunataca, ñucallata juyarimanda fichasha. Shina rurashpaca, cutinga napacha yarishachu.

Mandaj Diosca, cashnatapashmi nin: “Cangunami, ñucamanda villajcuna canguichi. Ñucata servij, ñuca agllashcacunami canguichi. Ñucaca, cangunataca ñucata rijsishpa crinajuchun, ñuca pi cajta yachashpa causanajuchunmi agllarcani. Ñucapaj pundaca, pi diospash na tiarcachu, ñucapaj jipallapash na tiangachu.

Ñucallami, Mandaj Dios cani. Ñucamanda ashtahuan shuj quishpichijca, na tianllu” ninmi.

Ñucaca, punlla nara tiajpillatami, ña tiarcani. Ñuca maquimandaca, pipash na quishpichi ushanllu. Ñuca imata rurangapaj munashcataca, pipash na jarcai ushanllu” ninmi.

Ñuca agllashca gentecuna ufiachunmi, jichushca pambapi yacucunata surcugrini. Chaquishca pambacunapimi, jatun yacucunata cugrini. Shina rurashcamandami, sacha animalcunapash ñucataca alicachinga. Chacal nishca animalcunapash, avestruz nishca alasyu animalcunapaj huahuacunapash alicachinajungami. Cai gentecunataca, ñucapajllami rurarcani. Tucuicunami, ñucata alicachishpa villanajunga.

Jahua lado llactatapash, ura lado llactatapash cashnami nisha: ‘Ñuca churicunata, ñuca ushicunataca caiman cachamuichi. Ñuca huahuacunataca, na charinachu canguichi. Caru llactacunapi cajpipash, cai pacha tucuri manñacunapi cajpipash, caiman cachamuichilla. Ñuca shutihuan shutichi tucushcacunataca, tucuicunata cachamuichi. Paicunataca, ñucata ninanda alicachijcuna cachunmi rurarcani. Chaipajmi callarichishpa churarcani’ nishami.

Mama cucha chaupita ñanda pascaj, ninanda jatarijuj yacu chaupita ñanda surcuj Mandaj Diosca, cashnami nini: Caballocunandi, carretacunandi, ninan shinlli soldadocunandi llujchijcunaca, cutinga ama jataringapajmi tandanajushpa urman. Lamparata huañuchijpishnami, huañushpa chingan.

Mandaj Dios ñucami, cangunapaj jucha illaj Dios cani. Israelcunata Ruraj, cangunata Jatun Mandajmi cani.