Popular Bible Verses from ISAÍAS 35

Share

Mandaj Dios quishpichishcacunaca tigramunajungami. Cushijushpami Sion puebloman shamunajunga. Paicunaca, causaita causaicamanmi cushijuita charinga. Ninan cushijuita charijpimi, paicunapaca ima llaquipash, huacaipash illanga.

Shaijushca maquita shinlliyachichi. Ushai illaj cunguricunata, ali shayachichi. Paicunapaj shungupi ninan manllaihuan causajcunataca, cashna ninguichi: “Shinlli tucushpa, imatapash na manllanachu canguichi. Ricuichi, cangunapaj Taita Dios shamushpami, imata cuna cashcatallata cunga. Taita Diosllatami, quishpichingapaj shamunga” ninguichi.

Chaipica, chaqui ñambash, jatun ñambashmi tianga. Chai ñandaca, jucha illaj Ñan ningami. Chai ñandaca, mapa runacunaca na puringachu. Chai ñanda purijcunaca, imata na yachajushca cashpapash, na pandangachu. Diosllatami, paicunahuan canga.

Pai shamujpica, ñausacunapaj ñavipash pascaringami. Na uyajcunapaj rinripash pascaringami.

Chaipica, suchucunapash tarugashnami fahuanajunga. Upacunapash juyaillami candanajunga. Jichushca pambacunapica, allashpami yacuta llujchinga. Pipash na causaj pambapipash, yacuca urai calpajungami.