Popular Bible Verses from ISAÍAS 30

Share

Shinamandami, cangunapaj huashamanda, cashna nijtaca cangunapaj rinrihuambacha uyanguichi: “Ñanga caitamari, cai ñanda purichi. Caimandaca, ali ladomambash, lluqui ladomambash na llujshinachu canguichi” nijtami uyanguichi.

Mandaj Diosca, cangunata llaquingapaca shuyangarami. Shinamandami, cangunata llaquishcamandaca, jatumbi churai tucunga. Mandaj Diosca, imatapash cashcatapacha ruraj Taita Diosmi. Paita yariashpa causajcunaca, tucuicunami ninanda cushijun.

Israelcunata Mandaj, jucha illaj Jatun Diosca, cashnami nirca: “Ñuca quishpichishpa casilla causaita cujpimi samanguichi. Ñucata yariajlla causashpa casilla shuyashpami, shinlli tucunguichi nircanimi. Shina nijpipash, na munashpami causanajunguichi.

Jatun Diosca, micunapaj randica ninan llaquita, yacupaj randica huacaita carashpapash, alipajmi chashnaca ruranga. Chashna llaquichishpapash, cangunata yachachijcunataca, ima horallapash na ashtahuan anchuchingachu. Ashtahuangarin yachachijcunataca, cangunapaj ñavihuambachami ricunguichi.

Gentecunaca, Sion nishca Jerusalenbimi causanga. Chaipica, na ashtahuan huacai tiangachu. Cangunata llaquij Diosca juyangami. Diosca, canguna huacashpa caparinajujta uyashcandimi tigrachinga.

Mandaj Diosca, cashnami nin: “Ali yuyaita ñuca cushcata na chasquingapaj, ñucamanda anchurij huahuacunaca, ¡aij imachari tucunga! Paicunaca, na ñuca Espíritu yarichijujpitami, jatanshna pacajunajun. Chashnami, ashtahuan ashtahuan juchata rurashpa mirachinajun.