Popular Bible Verses from EZEQUIEL 37

Share

Chaimandami cashna nihuarca: “Cai tullucunaman, cashna nishpa villai: Chaquishca tullucuna, Mandaj Dios imata nishcata uyaichi. Mandaj Jatun Diosca, cai chaquishca tullucunataca cashnami nin: ‘Ricuichi, ñucami cangunapica ñuca Espirituta churani. Chaimandami causaita charinguichi.

Cangunapica, angucunata churashpa, aichata jundachishpami, carahuan jahualla quilpasha. Chai jipami, cangunapica ñuca Espirituta churasha. Shina rurajpimi, causaita charinguichi. Chaita ricushpami ñucataca, Mandaj Dios cajta yachanguichi’ nishpa villai” nihuarcami.

Chaipimi cashna nihuarca: “Huañuna aichayu runa. ¿Cai tullucunaca, causaita chari ushangachu?” nijpimi, ñucaca: “Mandaj Dioslla, canmi yachapangui” nircani.

Mandaj Diosmi, paipaj maquita ñuca jahuapi churarca. Shina churashpami Mandaj Diosca, paipaj Espirituhuan shuj pugru pambaman pushashpa, tullucunalla junda chaupipi churahuarca. Chaiman pushashpaca, tullucunalla muyundi junda chaupitami yalichihuarca. Chai tullucunaca, pamba junda ashtacapachami carca. Ninandapacha chaquishca tullucunami carca.

Ñucata mandashcashnallatami, chai tullucunaman villajurcani. Chashna villajujpillatami, ninanda huacamushpa, alpa mama ñapash chujchurca. Chaipimi chai tullucunaca, tucuilla paipura tandanajurca. Chaita ricujujpimi tullucunapica, angucuna ñapash ricurishpa, chai jahuapica aicha llujshirca. Chai jahuataca carami quilparca, ashtahuangarin paicunapica Espirituca na tiarcachu.