Popular Bible Verses from ÉXODO 24

Share

Mandaj Diospaj punchapambaguca, urcu pundapica nina pillurishpa rupajunshnami, israelcunapaj ñavipica ricurijurca. Moisesca, fuyu chaupiman yaicushpami, urcuman vichai rirca. Moisesca, urcupimi chuscu chunga punllata, chuscu chunga tutata tiajurca.

Mandaj Diospaj punchapambaguca, Sinaí shuti urcupimi tiajurca. Fuyuca, urcutaca sucta punllacamanmi quilpariajurca. Canchis punlla tucujpica, chai fuyu chaupimandami Moisesta cayarca.

Chai jipami Mandaj Diosca, Moisesta cashna nirca: —Ñucapajman, urcuman vichai shamushpa, chaipi shuyangui. Chaipimi, tabla rumicunatapash, mandashca shimicunatapash, israelcunata yachachingapaj mandashpa ñuca escribishcatapash cusha— nircami.