Popular Bible Verses from ÉXODO 2

Share

Taita Diosca, paicuna aij ninajujta uyashpami Abrahamman, Isaacman, Jacoboman ari nishcata yarirca. Taita Diosca, israelcunataca ricujurcami. Shinamandami Taita Diosca, paicunata ayudangapaj yarijurca.

Ña tauca punllacuna yalishca jipaca, cashnami tucurca: Egipto llactata jatun mandajpashmi huañurca. Israelcunaca, gañan tucushpa causashpami, aij nishpa caparinajurca. Paicuna gañan tucushpa causashcamandami, paicunapaj caparinajushcapash, Taita Diospajman vichai chayarca.

Chai huahua ña viñajpica, Faraonbaj ushipajmanmi apamurca. Faraonbaj ushica, paipaj quiquin churitashnami rurarca. Paica: —Cai huahuataca, yacumandami llujchircani— nishpami, Moisés shutita shutichirca.

Paitami, Faraonbaj ushica cashna nirca: —Cai huahuata apashpa, ñucaman viñachipai. Viñachishcamandaca culquita cushami— nircami. Shina nijpimi chai huarmica, huahuata japishpa pai viñachirca.

Faraonbaj ushica, jatun yacupi armangapajmi urai rirca. Chaipi cajpimi, paita cuidaj cuitsacunapash, jatun yacu manñapi purinajurca. Chaipimi paica, sucusta rurashca canastataca, sucus ucupi tiajujta ricurca. Shina ricushpami, paita servij shuj cuitsataca, canastata japichun cacharca.

Chai punllacunapimi, cashna tucurca: Moisesca ña jatun cashpami, paipaj huauquicunata ricungapaj llujshirca. Paicunataca, ninan shinlli ruranacunahuan cajtami ricujurca. Shinallata paipaj huauqui puracunamanda hebreopura shuj runata, Egipto llactamanda shuj runa macajujtapashmi ricurca. Shinamandami, paica caita chaita ricushpa, pipash na ricurijpica, Egipto llacta runataca huañuchishpa, t'iyu alpahuan quilpashpa saquirca.