Cunanga, ñuca imata nijta uyashpa, ñucahuan ari ninajushcatapash cazushpaca, tucui gentecunata ashtahuan yali ñucapajlla cachun agllashca ninan valishca gentecunami canguichi. Tucui cai pachaca ñucapajmi. Cangunaca, ñuca mandana llactapi causana curacunapash, jucha illaj gentecunapashmi canguichi’ ningui. Ñuca imatalla nishca cai shimicunatami, israelcunaman villana cangui— nijurcami.