Popular Bible Verses from ECLESIASTÉS 5

Share

Taita Diospaj ñaupajpica, cambaj shimihuambash, cambaj shunguhuambash ama musparishpa: “Imatapash rurashapachami” ninguichu. Taita Diosca, jahua pachapimi tiajun, canga alpapillami cangui. Shina cashcamanda, can imatapash rurai ushanagutalla ari ningui.

Shinallata tucui runacunaman Taita Dios ashtaca charinacunata ima alicunata cushpaca, chaimandallata micushpa causachunmi cun. Paicuna imatalla rurashcamanda, shuj ashata cushijunaca, Taita Dios carashcami.

Culquita ninanda juyaj runaca, culquita mashnata charishpapash na cushijunllu. Imatapash charinacunata ninanda juyaj runapash chai charishcahuanga, ima alitapash na japinllu. Chaipash yangallami.

Taita Diospaj huasiman rishpaca, aliguta yarishpa ringui. Shinlli shungu runacunashna, Diosman animalta carashpa huañuchingapaj randica, chaipi yachachishcata uyangapajmi ashtahuan quimirina cangui. Paicuna nalita ruranajushcataca, na yachanllu.

Taita Diosman imagutapash rurashapachami nishpaca, ama unayashpa ucha pactachingui. Paica, juizu illaj runacunahuanga na cushijunllu. Imagutapash rurashami nishcataca, pactachinapachami cangui.

Imatapash rurashapachami nishca jahua na pactachingapaj randica, imatapash na nishpami ashtahuan ali.

Trabajaj runaca, ashatalla micushpapash, vijsa pactajta micushpapash, aligutapacha puñunllami. Ashtahuangarin ashtacata charij runataca, chai charishcacunallatami na puñuchin.

Imashnami mamapaj vijsamandaca lluchulla huacharin, chashnallatami tigran. Cai pachaman imashna shamushcashnallatami tigran. Pai imatalla rurashcamanda apangapaca, imatapash na charinllu.