Popular Bible Verses from ECLESIASTÉS 11

Share

Chairalla viñai cashpallata cushijuilla. Chairalla viñai cashpallata, cambaj shungu cushijuchun saquilla. Cambaj shungu munashcata rurailla, cambaj ñavi ricushcata rurailla. Ashtahuangarin tucui chaicunataca, Taita Dios ricuchinatami yachana cangui.

Cambaj shungumandaca, fiñarina yuyaita anchuchingui, cambaj cuerpohuan ima nalita ruranamandapash anchuringui. Chaira viñaicuna chairalla cashpa cushijuna punllacunaca, ñapash tucurinalla yangapachami.

Huairata chapaj runaca, na tarpungachu. Fuyuta ricuriajlla causaj runapash, na cozechangachu.

Huaira maiman rijujtapash, vijsayu huarmipaj vijsapi huahuapaj tullucuna imashna viñajtapash, canga na yachanguichu. Shinallatami tucuita ruraj Taita Dios, tucui caicunata imashna rurashcatapash na yachangui.

Tutamanda muyuta tarpushpaca, chishimambash na samashpa tarpunguilla. Punda tarpushca, jipa tarpushca, maijan ali canatapash na yachanguichu. Na cashpaca, ishcandillata alimi canman.

Canchis puraman cashpa, pusaj puraman cashpapash caranguilla. Llactapaj ima llaqui shamunataca, na yachanguichu.