Popular Bible Verses from DEUTERONOMIO 7

Share

Shina cashcamanda Mandaj Taita Diostaca, Taita Diospacha cajta, imata nishcatapash pactachij Taita Dios cajta rijsichiyari. Paita juyashpa, pai mandashcacunata pactachijcunaman, pai ari nishcata huaranga miraicunacaman pactachij, llaquij Diosmi.

Cangunaca, cangunata Mandaj Taita Diospajlla shicanyachishca gentecunami canguichi. Cangunata Mandaj Taita Diosca, paipajlla juyailla gentecuna cachunmi agllarca. Cai pachapi causanajuj tucui gentecunata ashtahuan yali cachunmi agllarca.

Ashtahuangarin Mandaj Dios juyashpallami, cangunataca agllarca. Cangunapaj ñaupa taitacunaman juramentushcata pactachingapajmi, ninan ushaita charij maquihuan llujchimurca. Cangunataca Egipto llactata jatun mandaj Faraonbaj ñaupajpi, gañan causanajujmanda cacharichishpami llujchimurca.

Mandaj Diosca, cangunataca tucui gentecunata ashtahuan yali cashcamanda juyashpaca, na agllarcachu. Cangunaca, tucui gentecunata ashtahuan yali yangallacunami carcanguichi.

Canga, tucui gentecunata yalimi bendiciai tucungui. Canguna purapica, huahuata na tarichij jaripash, huahuata tarinata na yachaj huarmipash na tiangachu. Animalcunapash huahuata na charijca, na tiangachu.