Popular Bible Verses from HECHOS 19

Share

Pablo paicunapaj uma jahuapi maquita churashpa Diosta mañajpimi, Diospaj jucha illaj Espirituca paicunapajman shamurca. Shinamandami, shuj shuj rimaicunapi rimashpa, Dios ima nishcataca villanajurca.

Taita Dios ushaita carajpimi Pabloca, pipash na rurai ushashcacunata imatapash juyailla rurashpa ricuchijurca. Shinamandami Pablo churajushca pañocunata, churajunacunata huañujuj gentecunapi churangapaj apanajurca. Chaita churajpica, huañujuj gentecunaca ali tucujpi, ayacunapash llujshircallami.

Paicuna llujchingapaj munajpimi, chai nali ayaca cashna nishpa tigrachirca: “Jesustaca rijsinimi. Pablo maijan cajtapash yachanimi. Ashtahuangarin cangunaca, ¿pita canguichi?” nircami.