Popular Bible Verses from 2 REYES 7

Share

Shinamandami Eliseoca, cashna nirca: —Mandaj Dios villashcata uyaichi. Mandaj Diosca cashnami nin: ‘Caya cai horasllatami, Samaria pueblo pungu ladopica, canchis kilo yali ashtahuan ali jacupash, chunga chuscu kilo chaupi yali cebadapash, chunga shuj gramo yalita pezaj culquilla valinga’ ninmi— nirca.

Samaria puebloman yaicunapimi, lepra ung:uihuan chuscu runacuna tianajurca. Paicunami, caishujmanda chaishujmanda cashna ninajurca: —Ñucanchica, ¿imapajta caipica huañungacaman tianajugrinchi?

Shina nijpimi jatun mandajta tucuipi servishpa causaj shuj runaca, Eliseotaca cashna nirca: —Jahua pacha ventanacunata, Mandaj Dios cunan pascajpipash, chashnaca na cangachu— nircami. Shina nijpimi Eliseoca, cashna nirca: —Ricui, chaitaca cambaj ñavihuambachami ricungui. Ashtahuangarin chaicunataca, na micunguichu— nircami.