Popular Bible Verses from 2 REYES 4

Share

Shina nijpimi Eliseoca, cashna nirca: —¿Imatata rurachun munangui? Cambaj huasipica, ¿imatallata charingui? Villahuai— nishpa tapujpimi, chai huarmica cashna nirca: —Canda servij ñucaca, imatallapash huasipica na charipanichu. Shuj mangapi aceitetallami charini— nircami.

Dios ima nishcata yachajuj puracunapaj huarmicunamanda shuj huarmimi, Eliseotaca cashna nishpa caparirca: —Canda servij, ñuca cusaca huañuparcamari. Canda servij paica, Mandaj Diosta manllashpa causashcataca yachapanguimi. Cunanga, culquita mañachij runa shamushpami, ñucapaj ishcai churicunataca paipaj gañan cachun apasha nijun— nircami.

Shina nijpimi Eliseoca, cashna nirca: —Cunanga, cambaj huasi ladollapi tucui causajcunapajman rishpa, chushaj mangacunata mañai. Chai chushaj mangacunataca, taucatapacha mañanguilla.

Chai jipaca cambash, cambaj churicunapash ucuman vicharishpa, tucuilla mangacunapi aceiteta churangui. Chashna churajpi jundashca mangataca, shuj ladoman anchuchingui— nircami.

Ña tucuilla mangacuna junda cajpimi, paipaj shuj churitaca: —Ashtahuan mangacunata apamui— nirca. Shina nijpimi, paipaj churica: —Mangacunaca, na ashtahuan tianllu— nirca. Shinamandami aceitepash tucurirca.

Chai jipami chai huarmica, Taita Diospaj runagupajman shamushpa villarca. Chaita villajpimi Eliseoca, cashna nirca: —Chai aceitetaca, jatungapaj rilla. Chai jatushca culquitaca, culquita mañachijcunaman tigrachingui. Puchushcahuanga cambash, cambaj churicunapash micushpa causanguichi— nircami.

Shina nijpimi chai huarmi rishpaca paipash, paipaj churicunapash punguta ucuman vicharirca. Chashna vicharishpami, mangacunata paipaj churicuna yalichimujpi paica, chai mangacunapi aceiteta churajurca.

Chai jipaca, camaman vitsiashpami, Eliseoca paipaj shimitaca huahuapaj shimipi, paipaj ñavitapash huahuapaj ñavi jahuapi, paipaj maquitapash huahuapaj maqui jahuapi churashpa, huahuapaj jahuapi siririrca. Chashna siririjpimi, huahuapaj cuerpoca cunujyarca.