Popular Bible Verses from 1 SAMUEL 17

Share

Shina nijpimi Davidca, chai filisteotaca cashna nijurca: —Canga, espadahuan, uchilla lanzahuambash, jatun lanzacunahuambashmi, ñucapajman shamungui. Ashtahuangarin ñucaca, tucuita Mandaj Diospaj shutipimi cambajman shamuni. Israel soldadocunapaj Taita Diostami canga, rimashpa fiñachircangui.

Shinallata Mandaj Diosca, na espadahuan, na lanzahuan quishpichij cajtami, tucui caipi tandanajushcacunaca yachanga. Cai jatun macanajuica, Mandaj Diospajmi. Paimi, cangunataca ñucanchi maquipi churanga— nijurcami.

Ashtahuan cashnatapash, Davidca nircarami: —Mandaj Diosca, leonbaj maquimandapash, osopaj maquimandapashmi quishpichihuarca. Paillatami, cai filisteopaj maquimandapash quishpichihuanga— nircami. Shina nijpimi Saulca, Davidtaca: —Shina cashpaca rilla. Mandaj Diosca, canhuan cachun— nirca.

Cunanga, Mandaj Diosmi candaca ñuca maquipi churanga. Chaimandami candaca ñuca mishashpa, cambaj umata fitisha. Shinallata cunanga, filisteo soldadocunatapash huañuchishpami, jahuata rij alasyu animalcunaman, sachapi causaj animalcunaman carasha. Chashna rurajpimi, tucui cai pachapi causajcunaca, israelcunapaj Taita Dios tiajtaca yachanga.

Chai jipami, paipaj tauna caspita japishpa, shuj larcaman rishpaca, llambulla picha rumita agllarca. Chai rumicunataca, michingapaj apashpa purij muchilapimi churarca. Chai jipaca, paipaj huaracata apashpa, chai filisteopajman rircallami.

Chaipimi Davidca, Saultaca cashna nirca: —Paita ricushpaca, pipash na ushai illanshna quedanachu canguichi. Chai filisteohuanga, canda servij ñucallata macanajungapaj rishallami— nirca.