Popular Bible Verses from 1 SAMUEL 15

Share

Shina nijpimi Samuelca, cashna nijurca: —¿Mandaj Diosca, ¿paiman cushpa tucuillata rupachishcahuan, paiman animalcunata cushpa huañuchishcahuanllu, pai Mandaj Dios rimashca Shimicunata pactachijpishna cushijun? Ashtahuangarin cazunami, animalcunata paiman cushpa huañuchinatapash ashtahuan yali alipacha. Shinallata jari llamacunapaj virata cunapaj randica, paita ali uyanami ashtahuan ali.

Paita na cazunaca, brujurishpa juchata ruranshnallatami. Shinlli shungu canapash, yanga dioscunashnalla, chai yanga dioscunata yariajlla causanashnallatami. Chashna rurashpami, Mandaj Diospaj Shimitaca yangapi churarcangui. Chaimandami Diospash, candaca yangapi churashpa, jatun mandaj cashcamandaca anchuchirca— nijurcami.

Israelcunapaj punchapamba Diosca, na llullangachu, llaquiritapash na llaquiringachu. Pai llaquiringapaca, na yanga runallachu— nircami.

—Jatun mandaj cachun Saulta churashcamandaca, ninandapachami llaquirini. Ñucata catinata saquishpami, ñuca Shimicunataca na pactachirca— nircami. Shina nijpimi, Samuelca ninanda llaquirishpa, Mandaj Diostaca caparishpa, tucui tuta mañajurca.