Popular Bible Verses from 1 SAMUEL 12

Share

Mandaj Diostalla manllashpa causaichi. Na llullashpalla, tucui shunguhuan servishpa causaichi. Cangunaman ashtaca alicunata rurashcataca, aligutami yarina canguichi.

Ashtahuangarin Mandaj Diosca, paipaj jatun shutimandaca, pai agllashcacunataca na jichungachu. Mandaj Diosca, paipajlla cachun munashpami, cangunataca agllarca.

Shina nijpimi Samuelca, tucuicunata cashna nijurca: —Na manllanachu canguichi. Ari, cangunaca cai tucui juchatami rurarcanguichi. Shina cashpapash chai tucuita rurashcamandalla cunanga, Mandaj Diosta catinataca, na saquinachu canguichi. Ashtahuangarin tucui shunguhuan paitalla servishpa causaichi.

Yanga dioscunataca, na catinachu canguichi. Paicunaca, yanga cashcamanda, imata ruraitapash na ushanllu. Quishpichitapash na ushanllu.