Popular Bible Verses from 1 REYES 3

Share

Chaimanda canda servij ñucamanga, can agllashca gentecunata mandangapaj ali yuyaita charij shunguta carahuayari. Shinallata ima ali cajta, ima nali cajtapash ricushpa alichingapaj yuyaita carahuayari. Cai tucui ashtaca gentecunata mandaitaca, ¿pita ushanga?” nijurcami.

Ricui, shinamandami can mañashcashnallata rurashcani. Ricui, alipacha yachajushca ali yuyaita charij shungutami canman curcani. Chashna alipacha yuyaita charij runaca, cambaj pundapash canshnaca na tiarcachu, cambaj jipamambash canshnaca na tiangachu.

Chaimandami Taita Diosca, cashna nijurca: “Unaita causana punllacunata, charij tucunata, canda fiñajcunata huañuchijuchunga, na mañarcanguichu. Ashtahuangarin imata ninajujtapash, ali uyashpara alichingapaj ali yuyaitami mañarcangui.

Shinallata charij tucunata, ninanda alicachi tucunata can na mañajpipash, chaitapashmi cuni. Cambaj tucui causaipica, jatun mandaj puramandaca, maijambash canshnaca na tiangachu.

Shinallata ñucata na saquishpa, ñuca escribichishca shimicunata, ñuca mandashcacunata, cambaj taita Davidshna cambash cazushpa causajujpica, cambaj causana punllacunatapash mirachishami” nijurcami.

Shuj tutami Mandaj Diosca, Gabaón pueblopi Salomonman muscuipi ricurirca. Chaipimi Taita Diosca: “Imata ñuca carachun munashpapash, mañahuailla” nirca.

Cunanga, ñucata Mandaj Taita Dioslla, canmi canda servij ñucataca, ñuca taitapaj randi jatun mandaj cachun churahuashcangui. Ñucaca, chairalla viñai huambrami cani. Imagutapash nara yachapanichu.

Salomón chashna mañashcapash, Jatun Diospaj ñaupajpica alimi ricurirca.

Shina nijpimi Salomonga, cashna nijurca: “Canga, canda servij ñuca taita Davidtaca, ninandapachami llaquircangui. Paica, na nij tucushpalla imatapash cashcatapacha rurashpa, tucui shunguhuan aligutalla rurashpami, cambaj ñaupajpi canhuan purirca. Chaimandami can ninandapacha llaquishcataca, paiman alichishpa charijushcangui. Chashna charijushpami, pai mandashpa tiajushcapica, paipaj churita churahuashcangui. Chaica cunan cai punllami pactamushca.

Canda servij ñucaca, can agllashca gentecunapaj chaupimi cani. Paicunaca, maitapash na cuentai ushanalla, mashna cajtapash na yachai ushanalla ashtaca gentecunami.