Popular Bible Verses from 1 REYES 18

Share

Mandaj Dioslla, ñuca mañajujta uyashpa tigrachihuayari, tigrachihuayari. Chashna tigrachijpimi, can Mandaj Diostaca, Taita Diospacha cajta yachanga. Paicunapaj yuyaitapash, canllata cambajman tigrachij cajtapashmi yachanga” nishpami mañarca.

Diosman animalta cushpa tucuillata rupachina horas ña chayajpimi, Dios ima nishcata villaj Eliasca, altarman quimirishpa cashna nishpa mañarca: “Abraham, Isaac, Israel shuti taitacunata Mandaj Taita Dioslla, Israel llactapica canlla Taita Dios cajta cunanga ricuchipairi. Shinallata ñucapash canda servij cajta, can mandajpi tucui caicunatapash rurajushcata ricuchipairi.

Chai tucuilla gentecunapaj ladoman Elías quimirishpami, cashna nirca: —¿Ima horascamanda cangunaca, cashna ishcai yuyaihuan causagringuichi? Mandaj Dios, Taita Dios cajpica, paita catichi. Ashtahuangarin Baal shuti dios, Taita Dios cajpica, paita catishpa richilla— nircami. Shina nijpica gentecunaca, nimatallapash na nircachu.

Chashna mañajpimi, Mandaj Dios cachamujpi nina urai shamushpa, Diosman carashpa tucuilla rupachina aichatapash, yamdatapash, rumitapash, alpatapash rupachirca. Shinallata uchilla larcapi jundashca yacutapashmi chaquichirca.

Chaita tucui gentecuna ricushpami cungurishpa: “¡Mandaj Diosmari, Taita Diospacha. Mandaj Diosmari, Taita Diospacha!” ninajurca.

Shina nijpi, ña canchiscaman ricungapaj rishpami, cashna nirca: —Shuj runapaj maqui tablashnalla asha fuyutami, mama chuchamanda vichai jatarijujta ricuni— nircami. Shina nijpimi Eliasca, chai runataca cashna nirca: —‘Ama tamia japichun, caballocunapi carretata huatashpa ucha urai rilla’ ninmi nishpa, Acab runaman villagri— nircami.

Ashtahuangarin Eliasca, Mandaj Dios paipaj maquihuan pushajpimi, pai ali chumbilirishpaca, Acab runata mishashpa, Jezreel shuti puebloman chayajta calparca.

Chai jipami Eliasca, Acab runataca cashna nirca: —Micushpa, ufiashpa tiajungapaj vichai rilla. Ñamari ninan tamia uyarimujun— nircami.

Chaipimi, paita servij runataca: —Cunanga, vichai rishpa mama cuchata ricugri— nirca. Shina nijpi, pai vichai rishpa ricushpami: —Imapash na ricurinllu— nirca. Shina nijpimi, Eliasca: —Canchiscaman tigrashpa ricugri— nirca.

Chaimandami Eliasca, tucui gentecunataca: —Ñuca ladoman quimirimuichi— nirca. Shina nijpimi, tucui gentecuna quimirinajurca. Chaipimi Eliasca, Mandaj Diospaj altarta urmachishcata alichirca.

Chai jipaca cangunapash, cangunapaj dioscunapaj shutipi mañaichilla. Ñucapash, Mandaj Diospaj shutipimi mañasha. Mañajujta uyashpa, maijan Dios cashpapash ninata cachamushpaca, chaimi Taita Diospacha canga— nircami. Shina nijpimi, tucuilla gentecuna: —Alitapachamari ningui— ninajurca.

Eliasca, Jacobopaj churicuna chunga ishcai aillucuna cashcashnallatami, chunga ishcai rumicunata japirca. Mandaj Diosca, Jacobotaca: “Cambaj shutica, Israelmi canga” nishcami carca.

Ña chaupi punlla tucujpimi, cashna tucurca: Eliasca, paicunata asishpa ricushpami, cashna nirca: —Paica diosmari, shinllita caparichilla. Paica, imatapashmi aliguta yarijunga, na cashpaca imatapashmi rurajunga. Na cashpaca maimambashmi rishcanga, na cashpaca puñujungami, rijchachinami canga— nircami.

Chai rumicunahuanmi, Mandaj Diospaj shutipi shuj altarta rurarca. Chai jipami, chai altar muyundipi uchilla larcata rurarca. Chaipica, ishcai taza granota medishpa churai valimi carca.