Popular Bible Verses from Pampujiam 63

Share

Pampujiam napapia Daud, wattunna anna dioi pädä kukku' Yehuda.

Susimä' too kupahandangKo matim banua masehoMu, anna kupetua' kamatohoamMu sola kamatandeamMu.

Aka keangga' puha ia pangkaha' pa'kamaseMu takattu tintim tamondo' sahuham anna la katuboam, lambisam la tiku'mi' pudu'ku umpuji umpa'kasalleiKo.

O Puang Allataala, Ikom too Puang Allataala to kupenombai, kupameäKo, sungnga'ku mabähhäm dio oloMu, bätäku mamalli' dio tingngajoMu, sihhapannä' litä' mabangi anna makähhe umpemulu uwai.

Maka' kukilalaiKo dio petindoangku, kupasalui penaba puli bengi, mannassa, Iko puha umpamoloiä'; menggamahaä' tilalla' nakumbäi pani' pa'kamaseMu.

Losso' penabangku sihhapam umpesanta'i bale maloppä', anna tiku'mi' pudu'ku kassi tilalla' tika'bi' lilaku kupujiKo kupa'kasallei.