Popular Bible Verses from Pampujiam 42

Share

Sihhapam doke pamoso nabuno sule tama buaku, natelleä' nasassai balingku, allo bengi ma'kada naua: <<Umba hi Puang Allataala to umpenombai?>>

Lu lako to untetem to menani. Penaniam pepatuduam napapia pessubunna Korah. Umba susi jonga muinaba-naba uwai salu, susim too duka' sungnga'ku muinaba-nabaKo, o Puang Allataala.

Indem ia la kupaalai penabangku, inde mahassam masussa penabangku: si kuaka susi mellao indo lessu' lako olona tau sipina'-pina', umpendioloanganni le'ba' tama banuanNa Puang Allataala dipasindum muahhe tilalla' anna umpenaniam penaniam pa'kuhhusam sumanga', illaam pa'hame-hameanna tau buda umpakahoa' allo kasalle.

Mabähhäm sungnga'ku lako Puang Allataala, lako Puang Allataala DEBATA tubo. Piham dia malaä' sule silindo Puang Allataala?

O penabangku, akanna masussako? Akanna tahapa'ko kusi'dim? Mahannuko längäm Puang Allataala! Aka la ma'kuhhu' sumanga' omä' sule dio oloNa, to ullangnga'iä' anna Puang Allataala to kupenombai!