Popular Bible Verses from Pampujiam 103

Share

O penabangku, pujiko DEBATA, daa ungkalembei ingganna kamapiaam penabanNa!

O penabangku, Ia umpanampum ingganna kasalaammu, Ia umpabono' mentu' sakimmu. O penabangku, Ia ussolongko dio mai kamateam, namana'ko pangkaha' pa'kamase takattu tintim tamondo' sahuham anna pa'häntängam bua. O penabangku, Ia umponnoi pa'pemulummu sola mentu' kamapiaam, lambisam tontä liuko matitta di mangnguhammu susi bunia gege.

Pampujiam napapia Daud. O penabangku, pujiko DEBATA! Sakalebuko o penabangku, umpuji umpa'kasallei sanga MasehoNa!

Umba susi pa'pakamajanna mesa ambe lako änä'na, susim too pa'pakamajanNa DEBATA lako to mengkahea' dio oloNa.

umba susi sikambelanna mata allo anna katampusam, susim too mambelanna dosata napasitäntängangki'.

DEBATA pa'häntängam bua, mamase, sumpu sa'baha', anna ponno pangkaha' pa'kamase takattu tintim tamondo' sahuham.

Tanapatumäiki' dosata, tanapatumpuiki' kasalaanta. Sapo' umba susi malangka'na alla'na langi' anna lino, susim too kasallena pangkaha' pa'kamaseNa takattu tintim tamondo' sahuham lako to mengkahea' dio oloNa

Ma'pahentam DEBATA dio okkosam kahajaanNa yabo suhuga, anna kapahentaanNa ungkuasai ingganna-ingganna sia.