Popular Bible Verses from Kada to Keaka' 6

Share

Annam handanna kaha-kaha nakahidi' DEBATA, battu haka, pitu handanna nakabassi: yabo bulam mata, lila mambungkeko', umpatei to tä' deem kasalaanna, penaba umpattuju ingganna kakadakeam, bitti' mahingngam ullomba kakadakeam, sa'bi tatappa' umpobibi kakalasiam, anna umpakende' kasipengkaam illaam alla'-alla'na to ma'hapu.

O to busungam, laoko petua' linti', petua' manappai pa'palakoanna ammu keaka'.

Sapäi'-sapäi' tikahu'du', tapakala mamma' oham; sapäi'-sapäi' messingngammu', tapakala lentem-lentem oham. Pissananna sule säkä-säkä ham kapemase-maseam sihhapam to pahappa, kakuhängam sihhapam to umbaba paha'buno.

O änä'ku, antii manda' tobei matoto' tula' napaondom ambemu, oli'i mamma' salungkui metindo pepatuduanna indomu. Patobä di tambu'i padondom di atei, pelluäi illaam bahokomu sihhapam mani'.