Popular Bible Verses from Kada to Keaka' 16

Share

Lentem palibui pa'palakoammu lako DEBATA, anna mala sule lako asam pattuju penabammu.

Hupatau mala umpattuju lingka salukatuboanna, sapo' DEBATA untuhoanni lalam la naolanna.

Tula' mellolä minnä' sihhapam duho ma'nini, umpasundede bua anna umpasule buku.

Hupatau mala ma'pattuju illaam penabanna, sapo' la huanna pessubungam pudu', DEBATA kabuttuanna.

To ponno sa'baha' keangga' puha ia anna la mesa pa'bahani, anna to ungkuasai kalena mapia puha ia anna la to ungkatama mesa kota.

Läjä tandu' longkom palasa umpasule katilakaam, anna malangka' penaba umpakende' kasägängam.

Ingganna lingka salukatuboanna hupatau malolo situhu' passangainna, sapo' DEBATA ussangai issi penabanna.

Menna-menna umpaillaam penaba pepatuduam la silambi' kamapiaam, maupa' anna katambasam to mahannu längäm DEBATA.

Aham saidi' pallolongam sapo' diala malolo, anna la buda sapo' diala malussu.

Deem lalam nasanga hupatau malolo, sapo' dio tämpä'na tinanda lako kamateam.

To mateko umpakende' kasipengkaam, anna to ma'pasihuso umpasisalla to sangkalamma'.