Popular Bible Verses from Ka Rome 10

Share

Ma kegezete na le mɛa ŋa nahe Yɛsə kenza kaNde sleke ŋkwa ba'a keyɛte na kwa wənəa ŋa kaganda kelakame ŋkɛ Shala kwa kwele le mpi ne, katembele na.

Kwa nza ŋkɛ ma keyɛte Shala na le wənə kwetɛŋe ne, kateve ŋa Shala kawəndə tiɗiɗi. Ma keneghate fete na yitea yɛ ta ŋa kwa kema ta mbeli ne, kambele ŋa ŋkɛ.

Ma tsetse ŋkɛ ne, mbe ghena nya zlape mbeli se yɛ Shala. Ma ghena nya zlapea shɛ mbeli ne, ghena ta Kriste.

Kwa nza ŋkɛ ma ke Ghena ta Shala gezete: «Yayata wəndə nya keyɛte Yɛsə, katenza hawe te we.» Ma tsagha ne, yipə yipə ka Zhəwif le kweci hwelefefi, kwetɛŋe Nde sleke hɛ nya keve nda mcɛlə ke yayata wəndə nya kehekɛme sləa ŋkɛ. Kwa nza ŋkɛ ma ke Ghena ta Shala: «Ma yayata wəndə nya ketehekɛme Shala Mahwətə ne, katembele ŋkɛ.»

Ɓiyitsa ne, tsema zlape ghena shɛ wəndə keɗema Shala keghwenakɛ ŋkɛ wa? Kwa nza ŋkɛ ma ke Ghena ta Shala: «Wa nya zlama kala newe se ta ka zlape ghena kwatenca nya ganyɛ gɛ!»

Ama tsema hekɛme sləa wəndə na, kaɗema na keyɛte wəndəa shɛ wa? Tsema nza na kayɛ wəndə nya ghama na fate ghena ta ŋkɛ wa? Tsema nza na kafave ghena keɗema wəndə kezlape shɛ wa?

Kwa nza ŋkɛ Kriste nde keɗaŋemte wəsə mahalegə, kezha nza yayata wəndə nya keyɛte ŋkɛ tiɗiɗi.