Popular Bible Verses from Mark 12

Share

Ma ke Yɛsə zhɛnete nda: «Wa nya wəsə mahalegə nya kwele ma nya: Fa, hwelefe ta Israyɛl, deke Shala Mahwətə ta ɓəmə ya kaMahwətə. Ɗe Shala Mahwətə ta ŋa le wənəa ŋa pɛtɛ, mehele ta ŋa pɛtɛ, le zəzə ta ŋa pɛtɛ ba'a berete ta ŋa pɛtɛ. Wa nya kwa bake ta wəsə mahalegə nya: Ɗe nde ghedəkwəa ŋa kala ghəa ŋa. Kwete wəsə mahalegə shɛ kwele ma ke nyi bake nyi we.»

Pa Yɛsə hekakɛ mbeli nyi ketəkwə təkwə, ma ke sha hɛ: «Kaganda ne, ma 'ya sha gheyɛ: wede kwa titikwə nya ne, kwele ma beteyi cɛdɛ nde kwa səndəkwə ke pɛtɛa kweci mbeli. Kwa nza ŋkɛ ma cɛdɛ nya beteyi kweci mbeli kwa ne, nya ketene yitea slene ta nci, ama ghenta mbe titikwəa nta ne, pɛtɛ beteyi nde kwa, pa ta ŋkɛ nyagha ve kaŋa wəsə kezeme ta nta.»

Mentishɛ dzeme vare wəsə kebete wəshi nya mbe ghɛa Shala ne, ntake Yɛsə kanewe tsema tsema bete wəshi mbeli kwa. Kwele kwele ka mcɛləa kɛfi nyi kebete cɛdɛ kwele kwele kwa. Pa kwete male wede kakwa titikwə se ba'a beteyi dala dala bake kwa, cɛdɛ nya ɓɛhwɛ.

Nahe ŋkɛ kehi kaɗe Shala wəndə le wənəa ŋkɛ pɛtɛ, mehele ta ŋkɛ pɛtɛ ba'a berete ta ŋkɛ pɛtɛ. Nahe ŋkɛ kehi kaɗe nde ghedəkwəa ŋkɛ ŋkɛ kala ghəa ŋkɛ. Ganyɛ ma ŋkɛ ke yɛ melɛ kwa tere tere ba'a wəshi nyi fə nda mbeli ke Shala.»

Ma ke Yɛsə sha hɛ: «Yawa, zhɛnave nda mə wəsə nya kenza kaŋa ŋkɛ ke Sɛzar, zhɛnave nda mə wəsə nya kenza kaŋa ŋkɛ ke Shala.» Heheɓake hɛ va zhɛne ta Yɛsə.