Popular Bible Verses from Rom 6

Share

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

Vuro si hav vora te nom radaiḡoro, huribe gom hav togo tehe halaten silo ta halaten hogoi non God.

La mahavana be tam ḡaruhisabuga, tam davi gida mai Ratahigi i tam hara mateanana. Kunia n̄ano be Jisas nu tomare nin mateana gin muramura non God, gida mulei tav rahu gin rahuan tavuha.

Gosav lin̄ te rahumwa be vi gogonai vuro, kun ginau be gamen lolia be men lol vuro. Ninia gea, lin̄igo sibomwa la liman God kunira be ran mate i kadogaha ram rahu. Kamai gam lolia gin rebehimai be gamen vuroga.

Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

Kunia mulei, giv gita kimiu sibomiu kunabe gin mate alun muramura non vuro i gim rahu mai God sivi Kraes Jisas.

Gim binibe tav vuroga rahurahu vataha mahavana huribe God vi lai hogoi mulei lalai gida? Sigai! Tam mate alun vuron rahuda ata amua, i kun hanigi haḡea tav lol rahu be vi togo lol vuro vataha mahavana?

Kunia gom iloe huba, lol taro be gom lin̄igo sibomwa gi turin rovoga lalai atatu be gov tabea, kea gom bora turi non atatu gea. Atatu be gom dabe silona kea haḡea nom ratahigi lavoa. Gov huri dum vuro, be mwa lai mateana sa gov tabe dum God, kea gabe gom bavtutu la lolmatana.

Amua gon vora turin vuro, i vuro nu haḡo rahumwa. Ta gov avkari God, gom dabe mwasigi ginau gabe gon lai silo vagahi huria. God mwa lol gida tam du dagai nin vuro, i kadogaha gim bora turin ginau vavtutu.