Popular Bible Verses from Rom 1

Share

Nam hav busbusi tehe gin Roroi Tavuha, huri be kea haḡea muramura be God nu lolia be men varahu sinombu be ram binihimwasigi nu varahu ira vara ira Jius muana, i mulei nu varahu kera be varate ira vara vai Israel.

Roroi Tavuha mwa bagahi kun hanigi God mwa lol atatu mwa bavtutu maia sibona be mwa dau bwatuna i mwa nogo mai binihimwasigi garagusi. Ravrava Sabuga mwa bevea be, “Kera be ram bavtutu mai God huri be ram binihimwasigi garagusi, kera rav habwe rahuana.”

Ginau rituai huria be atatu rasav gita te dumwia gin matara sibora non muramura mai ira ginau duluai be ram lolia i God. Take nin bwatun tauva huri ureure ginau kerageki mwa iloan maron̄ron̄oi gin hano be God nu lolia. Bwatuna gea, avoana non atatu mulei vwat sigai be rav vevea.

Kera ram ilo God, ta ram hav uloi te roroainia sage ram bev nora tabeana lalainia. Nora binbinihi mwa hantai. Binihira mwa dadaloiga i nu masiri gin ute bon̄i.

Ram hav vinihi te mwasigi God ram binihia be mwa dentene. Ram ḡogonai i ram lol hano be God nu lolia ninia be rav uloi roroai ihan Ratahigi nonda God vai tuai vai tuai! Amen.

God mwa seserai lua non lol horo nin ute atamare lalai ira vui son̄son̄o duluai i hal lete be sinombu ram lolia. Mai nora vui son̄son̄o sibora be ram rahu maia ram dahuli mwasigi.

Bwatuna be sinombu ran lol ginau kerageki, God mwa bisdagai ninira i mwa lin̄ira ram lol ginau busbusi be ram doron be rav lolia. Ira vavine ram lin̄i be ram bulu mai ira atamwani i ram dau bwatuna ram bulu mai ira vavine. La hala n̄an gea, ira atamwani ram lin̄i be ram bulu mai ira vavine i ram doro doron muleinira. Ira atamwani ram lol ginau busbusi mulei ginginira, i lol rebehira ram lai silo vevegi huri nora hala lete. Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

Ram bevea be kera ran mataisaoga, take ram mai gi taltaleana. God sihav mate te dum gubwen̄ vwate, take ram hav tataro te lalainia, ram ban ram dataro lalai ira nunvatu be gida atatu tam lolira, kun manu, ira ginau rahu, mai teltele.