Popular Bible Verses from Raom 8

Share

Ham janta hei ki jon log Parmeshwar se prem kare hei, uske waaste Parmeshwar bhalaai ke kaam kare hei. I wahi log hei jon ke Parmeshwar chunis hei.

Hamme biswaas hei ki Parmeshwar ke prem se hamme koi nai alag kare sake hei, naa to jeewan ya maut, naa to swaragduut ya Aatma, naa to abhi ya aay waala ṭaaim, aur naa to uppar ya nichche ke taagat. Eisan koi cheej nai banaawa gais hei jon hamme Parmeshwar ke prem se jon hamaar Prabhu Yeeshu Maseeh meñ hei, alag kare sake hei!

Kuchh cheej meñ ham kamjor hei, lekin Aatma hiañ hei aur hamme madat kari. Jeise ki, jab ham preya kare nai janta hei, tab Aatma hamaar waaste eise preya kare hei ki uske nai bataay sakta.

Ham i sab baat ke baare meñ kaa boli? Agar Parmeshwar hamaar bagal hei, tab kaa koi hamaar agaiñsṭ hoy sake hei?

Agar tum Maseeh meñ hei, to tumme saja nai mili.

Agar hamaar dimaag hamaar ichchha waala baat maane hei, to ham jaruur marega. Lekin agar hamaar dimaag Aatma ke bal pe chale hei, to hamme jeewan aur saanti mili.

I sab cheej meñ hamaar jeet sab se jaada bhais hei kaahe ke Yeeshu Maseeh ham se prem kare hei.

Ham sab janta hei ki abhi ham jon kuchh sahta hei, u mahima jon ham dekhega, uske milaan meñ kuchh nai hei.

Kaa koi cheej hamme Yeeshu Krisṭ ke prem se alag kare sake hei? Kaa dukh, sankaṭ, kharaab ṭaaim, bhuuk aur nañgaapan, khatra aur maut?

Hamaar man meñ kon cheej hei, u sab Parmeshwar jaane hei. Aur jab Aatma Parmeshwar ke log ke waaste preya kare hei tab u i bhi jaan le hei ki Aatma ke man meñ kon cheej hei.

Khali wahi log jon Parmeshwar ke Aatma ke mutaabik chale hei, uske laṛkan hei.

Jon log aapan ichchha pe chale hei, ulog khali aapan baare meñ soche hei. Lekin jon log Pawitr Aatma ke bole pe jiye hei, u sab aatmik cheej ke baare meñ soche hei.

Parmeshwar aapan laṛka ke bhi nai chhoṛis, lekin ham log ke waaste uske bhi de dees. Agar Parmeshwar eise karis, to kaa u ham log ke sab cheej free meñ nai dei?

Parmeshwar ke Aatma bataay hei ki ham uske laṛkan hei. Uske Aatma hamme janaawe hei ki Krisṭ ke sañghe Parmeshwar hamme u sab dei jon u waada karis raha. Ham Krisṭ ke mahima bhi baaṭega, kaahe ke ham uske sañghe dukh bhi saha hei.

Ham log ke ichchha, Parmeshwar ke agaiñsṭ hardam hoy jaay hei, kaahe ki u Parmeshwar ke baat pe chale nai sake hei.

Asal meñ sab cheej jon ke racha gais hei, i dekhe maañge hei Parmeshwar kab dekhaai ki uske laṛkan kon hei.

Ham to janta hei ki krieishan abhi bhi u peeṛa meñ kahraay hei, jon peeṛa ek aurat bachcha ke janam dewe ke ṭaaim sahe hei.