Popular Bible Verses from Raom 6

Share

Maut se paap ke karja utre hei. Lekin Parmeshwar ke bardaan, Yeeshu Maseeh ke bagal se anant jeewan hei

Paap ke aapan uppar raaj nai karan deo, kaahe ki tum Parmeshwar ke daya se chalta hei, kaanuun se nai.

Jab ham baptisma lia raha, tab ham Yeeshu ke sañghe mar ke dafnaay dewa gay raha. Ham baptisma lia raha, ki jisse hamme nawa laaif mile, wahi rakam jeise Yeeshu, Parmeshwar ke mahima se mar ke jinda hoy gais.

Aur aapan deñhi ke koi bhi hissa ke paap ke gulaam nai bane deo. Apne aap ke Parmeshwar ke de deo, ulog ke rakam jon mare se jinda hoy gain hei. Aapan ek ek hissa Parmeshwar ke gulaam banaao, ki jisse u khusi hoy.

Ham i bhi janta hei ki hamaar rakam admi log Yeeshu ke sañghe kros pe chaṛhaay dewa gain raha. I sab i kaaran bhais raha ki jisse, hamaar paapi deñhi paap ke gulaam nai rahe paay.

Yahi rakam tum bhi apne aap ke bhi paap meñ mara samjho. Lekin Yeeshu Maseeh tumme laaif dees hei, aur Parmeshwar ke khaatir jio.

Ham kaa boli? Kaa ham paap karte rahi, ki jisse Parmeshwar ke daya aur baṛhe? Nai, hamme i nai kare ke chaahi! Agar ham paap ke khaatir mar gaya hei, to aur paap keise ham kare sakta hei?

Kaa tum nai janta ki tum uske gulaam hei jiske bole pe chalta hei? Tum paap ke gulaam hoy ke mar jaay sakta hei, aur tum Parmeshwar ke baat maane waala gulaam bhi hoy sakta hei aur tumme u apnaay lei.

Tum paap ke gulaam raha. Lekin ham Parmeshwar ke dhanbaad deta hei ki ab tum aapan dil se u ṭeeching, jon ham tumme dia hei, uske maana. Ab tum paap se free hei aur Parmeshwar ke gulaam hei, jon uske khusi kare hei.