Popular Bible Verses from Bụo aRom 8

Share

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

Mị malhegheri ni akuphom owol mọ ịyaar iyira kị́gbarion sịphe ẹphomoghian phọ ọdi — mꞌaḍuugh mꞌaghuḍum; mꞌạruukpaany Ẹnaan mꞌịkpana ạraraar dị edi ẹpe kꞌạke; mꞌịlo ạnyiidipho, mꞌịlo edi ghisigh; mꞌịlo edi ạnyu, mꞌịlo edi ude. Sịphe oomo ạraraar phọ ọlhem bọ rꞌeniin ílho dị ketue ịgbarion iyira sịphe ẹphomoghian phọ Ẹnaan ịphomoghian bọ iyira phọ mọḅophoghan bọ Jịzos Kraist Ọmoogh-we phọ ayira.

Igina phọ kẹn kụ ịdi Uwaloor phọ ratu ghan kạloghonaan ḍịghaagh ọkparami oodugha omeeraam mọ ayira. Rꞌịlo ọoḅereghi ghan bịn yira ụ́kar ulegheri. Uwaloor phọ rꞌaloor ọdi kụ rạkuph ghan ịkuph dị anem kétue ẹkaaph kụ kụgbaanaan iyira ghisigh Ẹnaan.

Kọkaaph ika ịphen ighonoghian bọ iyira? Ịdipho Ẹnaan idianaan bọ ni iyira, ạnhian kụ kụmerenyan bọ iyira?

Loor ịphen phọ, apum nyịidipho ólhoonaan mun bụphe mọḅophoghan bọ Jịzos Kraist

Aḍuugh edianaan ni bụphe ịkaraph ạruuphua bịn kụ edi ghan bọ iloghi phọ ạbidi. Aghuḍum rꞌẹepho edianaan ni bụphe ịpe ẹḅeeraan bọ Uwaloor Iigbia phọ kụ edi ghan bọ iloghi phọ ạbidi.

Eeye. Ọpo ụphomoghian bọ iyira raḍighi ghan ni ịdi yira ọkpar ri ropu kopeleghiom oomo ạraraar phọ ịphen phọ.

Mị ạwa ạmiin mọ kọ́sighe ịminimiin phọ yira rọmiinom bọ nyịidipho ọmaaniom eegu phọ ẹpe kogananami bọ ụngo iyira.

Ạnhian nụun kụ kụgbarion bọ iyira sịphe ẹphomoghian phọ aKraist? Ịminimiin ḍụghum? Ịiḅaghami ḍụghum? Ịgbiphoghom ḍụghum? Ịgbakuro ḍụghum? Ẹdaḅa ḍụghum? Omuzaan aḍuugh ḍụghum? Aḍuugh ẹekaany ḍụghum?

Ẹnaan phọ rẹeḅeghion ghan bọ iloghi phọ awe kephogh elegheri ni ịpe edi bọ ologhi Uwaloor phọ, ịdi eḍighi bọ Uwaloor phọ ạsighe ni ịitughian phọ Ẹnaan kụ rạgba ghan bọ ọphelom awe phọ Ẹnaan.

Oomo phọ ạbuphe Uwaloor phọ Ẹnaan kụ aḍiemiom bọ, kụ ạnmuny phọ Ẹnaan.

Bụphe odimom bọ dọl ịkaraph ạruuphua phọ, ịkaraph ạruuphua bịn kụ edi ghan iloghi phọ ạbidi. Bụphe odimom bọ dọl Uwaloor Iigbia phọ, ịpe ẹḅeeraan bọ Uwaloor Iigbia phọ bịn kụ edi ghan iloghi phọ ạbidi.

Ọdi ọ́lhogh ạaku Mọony phọ ọdi, ạngo ni bịn mọ aḍighi ịyaar owophom ayira. Mọony phọ ọdi bịn ụngo ni iyira, kụ ẹghiom ologhi mọ ọdi iyira kụ́ngo oomo ạraraar phọ oopho.

Uwaloor phọ Ẹnaan aḍighan aani ruwaloor phọ ayira ọghaaph ghan omitiom mọ yira kụ ạnmuny phọ Ẹnaan. Ịduon yira moḍighi bọ nmụny phọ ọdi, yira kopin aani bin ạḍiseph phọ aseenaan bọ we phọ ọdi. Yira kọḅile kẹn ni ọḅarama Kraist opin aani bin ịpe Ẹnaan eseenaan bọ nyọdi. Eḍighi ịyaar dị yira ophin aani bin ịminimiin phọ aKraist, yira kopin kẹn ni bin eegu phọ ọdi.

Bụphe ịkaraph ạruuphua bịn kụ edi ghan bọ iloghi phọ ạbidi, ạbumulogh-ḍien Ẹnaan ni. Bịdi iilogh phọ Ẹnaan rọ́naghanan ghan, kụ kótue ni ọnaghanan.

Oomo ạraraar phọ ọlhem bọ ekim ni owol rekori ghan mem mọ Ẹnaan kegananami bọ nmụny phọ ọdi

Yira olegheri ni mọ kꞌạnyiidipho phọ ni oomo ạraraar phọ ọlhem bọ rẹkuph ni ịkuph eephina mụdi ạnir dị oghun-aḍien rakun.