Popular Bible Verses from Bụo aRom 4

Share

Omeeraam mọ ọdi óphiigha. Ọdi kẹn óokia oguan phọ Ẹnaan. Omeeraam mọ ọdi ạngo ghan ni ịnyaam ịdi ọdi ạsephom ghan Ẹnaan. Ọdi alegheri ni akuphom owol mọ Ẹnaan ketue ni eḍighi ịpe ọdi aguanaan bọ.

Ẹnaan ịsighe omeeraam kụ eḍighi zin oguan phọ, ọbo ọdi ạkparami oguan phọ ạngo oopho bụo ẹemara phọ Ebraham, kạ́buphe rooko ghan bọ Ologh phọ bịn, ọḅaram ni bụphe odi aani bọ dọl omeeraam mọ ịdipho Ebraham. Kụ esi egbodo Ẹnaan phọ ọdi ameeraam bọ, ẹpe rẹngo ghan bọ ghuḍum bụlo momuughu, ẹḅile bọ rẹkaaph ghan ịlo ạraraar dị edi ghisigh mụdi meru ni eten, ịdi eḍighi bọ Ebraham kụ ọde aruwaloor oomo phọ ayira.

Ụḅogh ni nyọdi ọngo mọ aghol ịkaraph phọ ayira amugh, kụ oḅeton nyọdi mọ ụsighe iyira aḍighi we aruukuan Ẹnaan.

Ebraham ameeraam ni ạḅile aḍuom ologhi esi dị oḍuom ologhi ụ́tol, kụ ạtuan bọ aḍighinom Ọde ịbadi areelhe phọ. Ịdipho ạḍinya iigbia phọ ẹḅem bọ mọ, “Ẹemara phọ ạna keḍiza ni ịdipho ạraanaan.”

Ẹnaan ịsighe omeeraam kụ eḍighi zin oguan phọ, ọbo ọdi ạkparami oguan phọ ạngo oopho bụo ẹemara phọ Ebraham, kạ́buphe rooko ghan bọ Ologh phọ bịn, ọḅaram ni bụphe odi aani bọ dọl omeeraam mọ ịdipho Ebraham. Kụ esi egbodo Ẹnaan phọ ọdi ameeraam bọ, ẹpe rẹngo ghan bọ ghuḍum bụlo momuughu, ẹḅile bọ rẹkaaph ghan ịlo ạraraar dị edi ghisigh mụdi meru ni eten, ịdi eḍighi bọ Ebraham kụ ọde aruwaloor oomo phọ ayira.

“Iboh kꞌẸnaan edianaan ni bụphe ọdi mạwilenaan bọ sịpioghom mọ ạbidi, ḅịle rꞌạbuphe ọdi maakpereghi bọ ịkaraph phọ ạbidi. Iboh edianaan ni oye phọ ọpo Ọmoogh-we phọ ịkaraph phọ ọdi kạ́balam bọ.”

Ạḍinya iigbia ẹḅem mọ, “Ebraham ameeraam ni Ẹnaan kụ Ẹnaan ẹtuan omeeraam mọ ọdi kụ ẹsighe nyọdi mọ oye aruukuan ni.”