Popular Bible Verses from Ạsuor 103

Share

Boom Ọmoogh-we phọ, nạ uwaloor phọ ạmi! Kábula oomo iiḅi phọ ọdi maḍighi bọ nyịna.

Ọdi ạsar ghan rạbilenaan ịkaraph ạmi, ạḅile aakonom oomo ạreezegh ạmi. Ọdi ómeera mị aḍigh ọmar iḍim, ạḅile ụsephom ịmi ẹphomoghian rꞌạghusan. Ọdi amuzeḍiom ghuḍum ạmi igey ạraraar, ọbo mị ạrol ugheel kụ amoon mụdi uga.

Boom Ọmoogh-we phọ, nạ uwaloor phọ ạmi! Oomo ịpe mị odimom bọ, iboom ḍien iigbia phọ ọdi.

Ịdipho ọde ạnma bọ ighirigiir nmụny ọdi — ịdipho kụ ẹdi Ọmoogh-we phọ ạnma ighirigiir bụphe oghueni bọ nyọdi.

Ịdipho emitenom erumuḍio phọ ẹkelan bọ emeelom mọ — ịdipho kụ ẹdi ọdi rạsighe ghan ịkaraph ayira kạkele.

Ọmoogh-we phọ ạmoogh ghụsan rꞌẹphomoghian; ịyaar rẹ́nuun ghan kephin ologhi ọdi kụ ẹphomoghian ọdi rémunughan.

Ọdi rụ́kpiom ghan iyira ịpe ịkaraph phọ yira ọkpianaan bọ, ḅịle rụ́kpiom ghan iyira ịpe ịkaraph ayira ẹman bọ. Ịdipho okuaḍio phọ ạkelan bọ de phọ — ịdipho kụ ẹdi ẹphomoghian phọ ọdi ẹbugh esi ạbuphe oghueni bọ nyọdi.

Ọmoogh-we phọ maseere ạgada ọdaam mọ ọdi ẹpe kꞌạke; ọdi kụ ọdaam dị rapogh oomo ạraraar.