Popular Bible Verses from Mạk 13

Share

Oomo awe kịlogh ni inyina ḍien loor ẹmhu phọ ạmi, kụ oye lọ ạkparam asi eekuna phọ kạmoogh ni pẹleeny.”

Kébulama loor, igon ghan ịdi eḍighi bọ nyina ílegheri mem ịphen phọ.

Kụ mem lọ isiphi inyina osoorom erugh, kékaphian ghan oomiigh ịlo nyina kẹgba, kụ mem ạsiagba ịlo eḍigh ologhi anyina bịn ịgba ni, esi dị nyina kụ rẹ́gba, Uwaloor Iigbia phọ kụ rịgbaanaan inyina.

Ạke phọ rꞌade phọ kepe ni, ikpo ọnhu phọ ạmi képe aani.”

“Kụ ịlo aḍio phọ ạḍiphe rꞌamem mọ ạmuphe, ọnon oye ólhegheri emuton Ọde phọ bịn. Ạruukpaany phọ odi bọ kꞌạke, rꞌỌony phọ, úlegheri.

Mem lọ nyina ẹnaghan oghur ạraagham lọ mẹebeeph rꞌọghaaph ạraagham lọ edi egher, kékiilaan. Ạraraar phọ ịphen kemiteghu ni, kụ eekuna phọ kẹ̋teeny.

Igona ni loor, ịdi eḍighi bọ nyina ílegheri mem mọ uwotu phọ katigheel bọ, mꞌadulhe, mꞌogbo aḍughul, mꞌịḅel ạsikenegh, mꞌạḍiroor, ọbo arigheel ekperenom kạmiin ghan bọ dị nyina rẹnaani yogh. Ịphen mị rịḅeni bọ inyina, mị rạḅeni aani ni oomo awe phọ mọ ogona ni loor.”

Eelhe kotuphiom ni eelhe ẹgham, ẹmha otuphiom ẹmha, kụ ade phọ kepiigha ni ịminighan arikpisi. Ịgbakuro kẹtol li. Ạraraar phọ ịphen phọ kụ emiighom ịminimiin.

Tụtu rẹteeny eekuna phọ, kọpur ọkaaph ooḅi ọghaaph oleenye oomo areelhe.

Ịbadi kotu ni kụ okophora ḍien phọ ạmi kụ ọḅem ghan mọ ạbuno kụ aKraist phọ kụ ookeleghi ḍita.

“Igona loor. Kirorori ni inyina osoorom erugh kꞌikumoor awe phọ, kụ ịgurogh inyina rubughotu. Ạbudaam eelhe rꞌaruwo ẹmha kịmagh ni inyina ọgba ạsiagba loor ẹmhu phọ ạmi, kụ nyina ẹḅeni bịdi ooḅi ọghaaph phọ.

Ariil ọkpe rꞌạbudi kokola ḍien aKraist komite ni oḍighi yogh reḍeenaan rꞌịiḍaany, lọ ẹghigh, ịlo ookeleghiom ạbuphe Ẹnaan mẹsaḅar bọ.

“Kụ riiḍio phọ ịpe, mem dị ịminimiin phọ meten, ootaany katen ni ufiri, ụnwanyu phọ kạ́mu mun. Ạraanaan phọ kẹḍuaghu ni kꞌạke ẹkaraghu, kụ ịikpo ịpe edi bọ kꞌạke kepiigha ni.