Popular Bible Verses from Ẹḍua 16

Share

Ọḅeni bịdi mọ, “Mịḅeeraan ghụn iyoor lọ Ọmoogh-we phọ mụze iyoor ẹpe Ijipt; ẹpe phọ yoor mụtol li ude ạany ịnam ọḅile olhe eḍien ẹpher, kụ nạ ụsighe iyoor asiemi ẹphen ẹdala phọ, mọ ọkoony ạze oomo phọ ayoor?” Ọmoogh-we phọ ạḅeni Mozis mọ, “Nyịidipho mị kamitiom eḍien ịdipho ikpo ọlophia dị kẹḍua okuaḍio kụ ekar ịngo inyina, kụ awe phọ kọki ghan aḍio etum ḍio ookoroghi ẹlo aḍio phọ bịn. Mị kạdegh bịdi apogh mụghumo bịdi kọdaph ni iilogh phọ ạmi kụ otelhiom mụghumo bịdi kọ́daph.

Kụ oomo phọ ạbidi oru ọteeny Mozis rꞌEeron ẹpe ẹdala phọ rogum.

AMozis ạḅeni bịdi mọ, “Ọmoogh-we phọ kụ kịngo inyina ịnam ạany dulhe, rꞌạtoro eḍien dị kịpher inyina ḍịroor, ịdi eḍighi bọ ọdi mạnaghan ịgum mọ nyina ẹgumom bọ nyọdi. Mem lọ nyina imoghiom iyoor, pọ nyina remoghiom ghan Ọmoogh-we phọ.”

“Mị mạnaghan ni ịgum mọ awe phọ Ịzirel. Ḅẹni bịdi mọ, ‘Mem dị rẹwepheghian nyina kẹmoogh ịnam ạa; kụ ḍịroor nyina kẹmoogh eḍien epaany. Kụ nyina egbi olegheri mọ mị kụ Ọmoogh-we Ẹnaan phọ anyina.’”