Popular Bible Verses from 2 Bụo ạKorint 4

Share

Yoor úgbononomi iloghi phọ ayoor ophogh ghan ạraraar phọ ịpe rọmiin bọ, yoor ropogh ghan ghụn ịpe rọ́miin ghan bọ ekpeḍien phọ. Ịpe rọmiin ghan bọ rébia ghan, kụ ịpe rọ́miin ghan bọ rẹtol ghan ni kꞌagee-pọ.

Esi ịduon phọ rꞌịyaar ologhi ayoor rédughe. Ghạlamo ịduon aḍizu ọposo phọ memiigha bọ ni loor rẹḅor, rọosa ghan ni ruwaloor phọ ayoor ḍio etum ḍio. Kụ ọony ịminimiin phọ yoor rọmiinom bọ ekulha amem mọ ạmuen phọ kiruom ni iyoor ẹbalabala eegu kꞌagee-pọ dị epeleghiom ni ịminimiin phọ iboom.

Rụuḅaghami ghan ni iyoor ọman rꞌighisigh, kụ ọlo yoor úkururu. Rọwalawalami ghan ni ịitughian ayoor, kụ ọlo yoor útoph iloghi phọ ayoor. Rụgbiphoghom ghan ni iyoor kụ ọlo iyoor úghel. Runyuughi ghan ni iyoor kolereghi kụ ọlo yoor roḅerenu ghan ni kogbam orelhe.

Kụ ọlo yoor phọ ọmoogh bọ ẹeḍiom mọ ẹphen ọkigh ighiil aroko, ọbo olegheriom mọ oomo ịikpo phọ kị́lo ayoor, ịlo Ẹnaan.

Bịdi úmeeraam ịdi eḍighi bọ ẹmugh aḅirini phọ ọphon mẹsighe iloghi phọ ạbidi ẹlogh ẹku ufiri. Ọdi mamirighan mọ bịdi ọmiin ḍịḅaal phọ esoorom bọ bịdi. Ooḅi ọghaaph eegu aKraist phọ ạkpoghoron bọ Ẹnaan bịn ạmadan, kụ aseere bọ ḍịḅaal phọ ạḍien phọ.

Ẹnaan phọ ẹḅem bọ mọ, “Ạḍiḅaal kemite ni esoor sịphe ufiri phọ,” kụ egina phọ Ẹnaan phọ eḍighi bọ ni dị ạḍiḅaal phọ ọdi rẹmu bọ iloghi phọ ayira ọsighenom ạḍiḅaal olegheri eegu phọ Ẹnaan rẹmu bọ ghisigh phọ aKraist oruom ayira.