Popular Bible Verses from 1 Timoti 6

Share

Kpạrami ḍịghaagh aghiil aani eghiil phọ bụphe momeeraam bọ rokiil bọ, pịdi ạmoogh ghuḍum kꞌagee-pọ ạngo loor phọ ạna. Ẹnaan ịtuan ghuḍum mọ ạkuen phọ kụ ẹmagh bọ nyịna, mem mọ nạ amighirom bọ ni ạmeera ghisigh ịbadi awe ạghaaph omeeraam mọ ạna amitiom.

Ekpooko ikpoki kụ azin ọdo kịrokiro ịkaraph. Buniin mọtuan ni osiphigha ikpoki bịn ope eten ọbile ịpe omeeraam mọ ạḅem bọ, kụ ọto maḍigh ragimi iloghi phọ ạbidi ịdipho iitoor.

Oye rạmoogh ghan ni iboom sụo esi oḍighi Ẹnaan phọ, eḍighi ịyaar dị ịlo ọdi ạmoogh rẹgbaanyan ghan ni nyọdi. (Oseleman rꞌọgbaanyan eḍighi ni ogbogh ạsuo.)

Yira ụpham eeghe kụ orumom bọ sịen aḅirini phọ? Ịyaar ụ́pam. Yira kọpam eeghe kụ okeelom kꞌạda-otu? Ịyaar kọ́pam.

Ḅẹni ni ạkpaariom bụphe ọmoogh bọ ẹelha ịsien aḅirini phọ mọ bịdi kúbaga, ḅịle mọ bịdi kụ́sighe oḍuom ologhi ạbidi useere loor ẹelha phọ reten bọ oler phọ, oseere ghụn ni esi Ẹnaan phọ rịngo ghan bọ iyira oomo ạraraar lọ yira kọkelhom.

Bụphe rọwa ghan bọ oḍighi ạraalha phọ romeel ghan koḍighanaan ọdegh ophogh, ḅịle kẹn komeel ḍiphil ịbadi ạruuphua elologhi rꞌịlo aḍuugh-aḍuugh, ịpe reegulemi ghan bọ oye kẹngoom muphe.

Ḅẹni ni mọ bịdi oḍighi ghan igey, iiḅi iiḍighi kụ eḍighi ẹelha phọ ạbidi, onmo ghan inmo, ọḅile ọrol ghan wịriwiri. Ịduon phọ kụ ịdi bịdi koseerian ẹkuakua ẹelha okoriom mem dị edi ghisigh, kụ bịdi ogbi nụun ọmoogh ọkaraghi akugey aghuḍum mọ.