Popular Bible Verses from ROM 8

Share

Ti mepi maa iyi elele ya nda ugondu zhiaaŋ maa i zhɛmanɛ atwa na o lubo Agwatana, aba shɛ atwa na baa suyanɛ gana na ta ahaŋsa na bee heŋshi namɛ.

Iwɛnɛ po ohwulu mi namɛ oko maa, okwo tu'wo, okwo uraiŋ, okwo atumwa-azuba, okwo egwominetu, okwo iyi nɛ namɛ hwuwayɛ, okwo iyi nɛ tee ci, okwo akpahiŋ, okwo ụnjɛswa, okwo me'ilwo, okwo inyɛ iyi nɛ aa karɛ, eri shi mo tu bogwu no tulubo ta Agwatana tu na tu namɛ na amɛ Krast Jisus Agwangwama tu o.

Gobwonu du Mpiala mo mbiyono tulwogogo tu tu. Ti mepi shi gana na i shɛ tilɛɛ maa ta nda adua o, ama Mpiala ni ikɛnyi ibwɛ ubwa ba 'walatagwụ Agwatana no ti'nyongongo tu na eti eri shi ta duma.

Asha imbe ɛti zhɛ ta duma ya iwɛ ijɛ kpaaaŋ? Yaa shɛ Agwatana namɛ no tu, asha gaaba eri ma tu sukakanaa?

Hwuwayɛ go n-ndumwa-tụwụma mu zasaba ya iwɛ atwa na namɛ na amɛ Krast Jisus.

Iwɛnɛ po ahaŋsa masha ma butugwumwa a shɛ tu'wo, ama ahaŋsa Mpiala a shɛ uraiŋ keeni amɛ-olom.

Awo! Tu lasụ ijɛ kpaaŋ tedure nu ukpahiŋ ụ bụtụ na utu lubi.

N heŋshi maa ụbaụta na ata nda hwuwayɛ na aka ga, u te teni shi cɛŋ maa e menji uŋ nụ ụjɛrụma na ɛɛ zhɛ ma tu kapɛshɛngana hwuŋ o.

Asha gaaba zhɛ mo tu bogwu no tulubo tu Krastii? Ụbaụta suu, kwo ụngwụ-tụhwụga, kwo tɛshɛka, kwo imunɛ-tiya, kwo mohondo, kwo Abara-ne-ebe, kwo kaa utokwobi?

Ama Agwatana na ba yalaga shɛmɛ sha atwa, ubwa mepi ahaŋsa Mpiala, ubwa kaa du ba 'walatagwụ Agwatana iwɛ atwa tijilo Agwatana, gana na teneni Agwatana cɛŋ.

Atwa elele na Mpiala ma Agwatana ma 'yagaga, aba shɛ miaụŋ ma Agwatana.

Atwa na a nda iyi na masha ma butugwumwa, e shiyeni masha ma butugwumwa eshe, maa a na nda iyi nɛ masha ma butugwumwa ma jala, ama atwa na a nda iyi na Mpiala, e shiyeni iyi Mpiala eshe maa a na nda iyi nɛ Mpiala ma jala.

Agwatana na hebi shi Yɛu ibwɛ ikɛnyi ibwɛ, ama bi shepi bu bee peni iwe tu kpaaŋ, bi zha shɛ suu ma tu pana ya iyi elele arahaŋ nu bwa?

Mpiala ma Agwatana ni ikɛnyi ibwɛ momo lonu tiseyida na mpiala mu tu maa tɛ shɛ miaụŋ ma Agwatana. Gana na atɛ shɛ miaụŋ ma Agwatana, asha atuba tɛ shɛ ayɛ-ogwu Agwatana na Krast. Yaa shɛ ata nda ụbaụta nu bwa gom, asha atuba du ti zhɛ ta 'yaga hwuŋ ụjɛrụma nu bwa.

Iwɛnɛ po ahaŋsa masha ma butugwumwa o imo Agwatana, iwɛnɛ ti yaa shɛ shɛ Undwa wa Agwatana 'yajɛ ụhwada ahaŋsa ata; masha ma ata kaa mi eri shi mo lubo Agwatana kwukwuŋ.

Iyi elele nɛ Agwatana karɛ ya nda ashɛlatụ tugom iwɛ aka na Agwatana zhɛ a kapɛshɛnga hwuŋ miaụŋ mu bwa.

Ti mepi maa iyi elele nɛ Agwatana karɛ yo ngwulo, yaa hwuga-ụngwụ gana ụngwụ tumata tutu taa hwayɛ.