Popular Bible Verses from ROM 4

Share

Bɛ njɛ shɛ oruwo unu na Agwatana shileni bu o, rishe-tɛtɛtana kaa ri 'nyananɛ shɛ bu o. Ama bi leshiji ukpahiŋ tedure ne rishe-tɛtɛtana bee peni Agwatana ụjɛrụma, iwɛnɛ ti bee mepi gom maa Agwatana eri a nda iyi nɛ bee shiri-unu ibɛ.

Gana na te e 'nyeci, ɛɛ hiɛŋ, M bu nduwa bishi ba atwa ofwugwo a na shɛ shɛ Eju), ne eshe bụtụ na baa tɛtanɛ-rishe, ubwa shɛ Agwatana na ba pana atwa na 'wi uraiŋ, ubwa kaa du ba suyana iyi nɛ zasaba gana maa i namba.

E shepi Jisus ee utegeni tu'wo iwɛ tụwụma tu tu, ibɛ bɛɛ hiɛ maa ma tu pana n-ndumwa-zhɛ.

Okwo tu ga Abraham zasa ecilo na maa nda ashɛlatụ, ama na amɛ ashɛlatụ ata kaa waa baa tɛtanɛ-rishe maa bɛ shɛ bishi ba atwa ofwugwo a na shɛ shɛ Eju, gana na ti yee 'nyeci, yɛɛ hiɛŋ, Ajalalo bu zhɛ o gombo ofwugwo gana mkpasu.

Ecilo no po rishe-tɛtɛtana rɛ shɛ iyi tilɛɛ i shɛ iwɛnɛ ti iyi elele ya banɛ no tulubo-ti-biye, iwɛ maa e shikicingeni ajalalo ubwa kpaaŋ unu ata tishilo, shɛ iwɛ atwa na untanganɛ Undwa kiri o, ama iwɛ atwa na du shɛ atwa rishe-tɛtɛtana ra Abraham (na shɛ bishi tu kpaaŋ.

Atwa na Agwatana gengeni iyi iwɛ ya aba, a na kaa bee. Urigeni iwɛwɛ ya aba gwoje! Bụtụ na Agwatana zha shɛ ba rɛta iwɛwɛ ibwɛ kaa gwoje!

Imbe Iwɛ ya Agwatana hiɛɛŋ? I hiɛŋ, Ga Abraham tɛtanɛ Agwatana rishe, ibɛ po Agwatana rɛcɛ bụ maa bɛ shɛ bụtụ bi tiririri.