Popular Bible Verses from ROM 14

Share

Cɛnjɛ-ta-tugwama ta Agwatana tɛ shɛ shɛ iwɛ iyimɛyɛ kwo kaa iwɛ iyi tuswa o, ama tɛ shɛ iwɛ iyi tiririri keeni amɛ-olom keeni unyasa na Mpiala mi Tijilo ma 'waŋnɛ. Bụtụ na ba ndana Krast iyi nu uhwaŋna gana ga, asha ubwa du kwụlanɛ Agwatana tebiye, atwa kaa du a muna bu ụjɛrụma.

Okwo ata ya uraiŋ, Agwangwama ata yana uŋ, okwo etu 'wi, Agwangwama du etu 'weni. Ibɛ po okwo ata ya uraiŋ, kwo kaa etu 'wi, atwa Agwangwama atɛ shɛ.

Iwɛ ecilo ata, tu na 'wa ma iyi ya amɛ-olom keeni iyi nɛ eti eri tu no momo monu.

Ibɛ po kede tu na duma ma ụshɛrɛya wa anya tu o, ama ụshɛrɛya na ɛhi zhɛ hi na duma na, maa kede bụtụ shileni yɛu-bino bwa utayɛ udukwutwa kwo kaa iyi nɛ zhɛ ya gwumana bu o.

Iwɛnɛ te e 'nyeci, ɛɛ hiɛŋ. Agwangwama hiɛŋ, Gana na tu Ngaa shɛ buumwa, shilulo she elele shi zhɛ shi mo n kwuzono; unu we elele kaa zhɛ ma n shɛtana Gamba Agwatana. Ibɛ po bụtụ bụtụ tu zhɛ be swegeni hwuŋ Agwatana iyi nɛ baa njɛ la.

Ama na lashɛga ma bụtụ na lweji ne rishe-tɛtɛtana, ama ta na zuga bu ma ni iheŋtengene nɛ zhɛ ya pana bu oruwo tuta o.

Gaaba abɛ shɛ maa na duma ụshɛrɛya yɛu-ugondu binya bụtụụ? Tishikono tu bwa kwo kaa tulaya tu bwa, tu namɛ ni i'ɛlɛ ya agwuma-ihwɛ ibwɛ; iwɛnɛ ta Agwangwama 'yajɛ ikɛnyi maa shikiciŋgo bu.