Popular Bible Verses from ROMANOS 4

Share

Diospaq rimaynin qusqanmantaqa manam iskayakurqanchu, manachayqa astawan iyawniypim kallpachakurqan. Diosmantaq yupaycharqan, rimaynin qusqanta junt'anapaq atiyniyuq kasqanta sumaqta yachaspa.

Qilqasqakunapi nichkan ajinata: “Achkha llaqtakunapi kaq runakunapaq tatampaq ruwayki –nispa.” Kaymi mayqimpichus Abrahamqa iyaw nirqan chay Diosqa, wañusqakunaman kawsay quq jinataq manaraq rikhurichkan chaykuna ruwaq Diosqa.

Diosqa nuqanchispaq juchanchisraykum Jesusta wañunampaq puskatarqan, jinaspataq nuqanchisman chiqan runakunaman tukuchinapaqmi wañusqamanta kawsarichimurqan.

Jayk'aqchus manaña suyay sunqu kapurqan chhikam Abrahamqa iyaw nirqan jinataq suyay sunquyuq karqan, ajinamanta Diospaq ajina nisqanmanjina achkha llaqtakunapaq tatan karqan: “Ajinam mirayniykikunaqa kanqa” –nispa.

Chaymantam Abrahampaq mirayninkunapaq Diospaq rimay qusqan chaniyuq kanampaq, Diosqa mana imatapas chaymanta mañarqanchu, manachayqa qasillam qurqan. Chay rimaynin qusqantaq tukuy pikunachus paypi iyaw nichkanku chaykunapaqmi karqan. Manam pikunachus kamachiyta uyarichkanku chaykunallapaqchu, manachayqa pikunachus Abrahamjina iyaw ninku chaykunapaq imam karqan. Chayraykum Abrahamqa tukuy nuqanchispaq tatanchisqa.

Davidqa ajinatam nirqan: “¡Kusikuyniyuqmi kanku pikunamanchus Diosqa saqra kayninkuta pampachan jinaspataq juchankunata qunqapun chaykunaqa! ¡Kusikuyniyuqmi maykaq runamanchus Apu Tataqa juchankunamanta qunqawachapun chayqa!” –Nispa.

Imaraykuchus Qilqasqakunapiqa ajinatam nin: “Abrahamqa Diospim iyaw nirqan, chayraykum Diosqa payman chiqan runamanta jap'iqarqan” –nispa.