Popular Bible Verses from APOCALIPSIS 16

Share

“Rijch'arisqa kachkaychis, imaraykuchus nuqaqa suwajinam jamusaq. Kusikuyniyuqmi pichus rijch'arisqa kachkan jinataq q'arapacha uj p'inqayta mana qhiparanapaq p'achanta waqaychakuchkan chayqa.”

Suqtakaq angeltaq Éufrates athun mayu patamanmi pusillunta jich'awacharqan, jinaspataq inti lluqsimuyniqmanta jamuq qhapaq suyu apaykachaqkunapaq chimpamunankupaqmi ununta ch'akirquchirqan.

Chaykunataq millay saqra supaykunapaq ajayunkunam karqanku, paykunam musphay ruway rikuchiykunata ruwarqanku. Paykunaqa tukuy atiyniyuq Dioswan maqanakunankupaqmi tukuy kaypacha qhapaq suyukuna apaykachaqkunata tanthapinapaq lluqsiramurqanku. Chaytataq jayk'aqchus Diospaq athun juchanchana p'unchaynin chayamunqa chhikam ajinata ruwanqaku.

Lijrayuq pallipaq, wak'apaq jinataq llulla willaqpaq siminkunamantaqa, jamp'atuman rijch'akuq kimsa millay saqra ajayukunam lluqsiramurqanku.

Jinaspataq tukuyninkum manchachkay ruphaykusqa kapurqanku; chaywampas manam Diosman kutirimuchkarqankuchu, manallataqmi payman yupaychachkarqankuchu, manachayqa astawanmi pichus kay ñak'ariykunajawapi atiyniyuq kachkan chaypaq imaymana mana allin rimaykunata rimarqanku.

Ñawpaqkaq angel purirqan jinaspataq kaypacha jallp'a patamanmi pusillunta jich'awachamurqan; chhikataq tukuy pikunachus wak'apaq ch'ikullinniyuq karqanku jinataq lantintapas yupaycharqanku chay runakunamanqa uj manchay nanaykukuq lliqi unquymi jap'iykurqan.

Chhikataq qhapaq suyu apaykachaq runakunataqa hebreo rimaypi Harmagedon nisqa kachkan chay chhikamanmi tanthapimurqanku.