Popular Bible Verses from SANTIAGO 4

Share

Chayrayku Diosman uyariychis. Supaypaqqa sayarikuychis, jinaspataq payqa qankunamanta phawaripunqam.

Diosman qayllachakuychis, paytaq qankunaman qayllachakusunkichismi. ¡Jucharara runakuna, mana allinkunataqa amaña ruwaychischu! Pikunachus Diosman munakuyta munanku, chaywampas jucha ruwaytaqa munakuchkallankutaq chaykunaqa ujpita maykaqtapas yuwapuychis: Dioswanchu, manachayqa kaypacha juchakunawanchu qhiparapunkichis chaytaqa.

Tatapaq ñawpaqimpi juch'uychakuychis, paytaq athumpim kachisunkichis.

Chaywampas Diosqa astawanmi munakuyninwan yanapawanchis, imaraykuchus Qilqasqakunaqa ajinatam nin: “Diosqa athun athun tukuq runakunamanqa manam yanapachkanchu, chaywampas pikunachus llamp'u sunquyuq kanku chaykunamanqa sumaq sunquwanmi rikun.” –Nispa.

Pichus allin kaqta ruwayta yachan jinaspataq mana ruwachkan chayqa juchatam ruwakuchkan.

mañankichis chhikataq manam jap'iqankichischu, imaraykuchus manam allimpaqchu mañankichis, manachayqa imaymana mana allinkunapi tukurqunapaqmi mañankichis.

Qankunaqa manam Diostaqa munankichischu, manallataq uyarinkichispaschu. ¿Kaypachawan sumaqpi kayqa Dioswan mana allin kana kasqantaqa manachu yachankichisri? Maykaqpas kaypachawan allimpi kayta munaqqa Diospaq chiqnikuqninmanmi tukupun.

¿Imachus qankunawan q'aya paqarin kachkanqa chaytapas mana yachachkaspa imaynatataq ajinata rimawaqchisri? Qankunapaq kawsayniykichisqa phuyuman rijch'akuqmi: uj chhikakunaqa rikhurqumun, chhikamantataq chinkawachapullantaq.