Popular Bible Verses from Olóma 14

Share

Mammana, Bufuŋe bá Asaŋa bó do báá gɛsɛnɛ gá manyáanya ɛ́na lí gá boóma bá go bónyóo. Bufuŋe bá Asaŋa bó lɔ́mɔ́ botɛ́nɛ́ɛ, buumbénú na bɛyaŋa mɔ́ɔmɔ Gimmúmpúu gá Giliíli a fáananɛnamɔ́. Mɔtɔ mɔ́ɔnyɔ a yɔgɔnɛnɔmɔ́ Kilítusu nɔ́ɔnɔ, a fɛɛnanɛna Asaŋa, gɔnɔ́ batɔ bá mo hálamanana.

Aáŋa dɛ ɔyɔ, dɛ ɔyɔmɔ́ go busío bá Daadáa, gɔnɔ́ aáŋa dɛ gúenene, dɛ gúenenemú go ufíno yá Daadáa. Kɔ́ɔ, ɛ́na akɛ́ dɛ ɔyɔ, ɛ́na akɛ́ dɛ gúenene, dɛ ɔ́bɛnɔnɔmɔ́ na Daadáa.

Ŋgáa dɛ no fúmbe kanɛ́ bɔ́ɔbɔ bo fáananamɔ́ buumbénú, bó gɔnɔ có óhiginyo goŋaá dɛ gónɛna bɛɛcɔ́ɔ biimée naá gioliminyo.

Ŋgáa dɛ dɔmbɔ kanɛ́ go básómbanɛna bɛsɛnɛ. Bégedíemú nɔnɔ goana goŋaá mɔtɔ a dɛ bɛndɛ́gɛ́ná sɔ́gɔ́ɔ boóma go pɛ́ bá goŋaá a kúkene ɛ́na lí o oba naá gɛoba.

Bó lɛ́ ɔ́ŋɔ́ɔlú naá Ŋgɔ́ŋɛ́ goŋaá: Yɔmɔ́ɔ Daadáa mɔ́ɔnyɔ a lɔ́mɔ́ ogɔ́sɔ, ŋgaá bálɛa caá: batɔ biimée bá ŋga kuncée enúu naá busío bámɛ, bá gunde bá búlugenye nigúmi ná Asaŋa. Hɔ́ɔlɔ́ gɔ́ɔ, onyɔ moánɛ a ŋgaá básáágáa go mɔ́ɔ moatɛ́ naá busío bá Asaŋa.

Gɛ́ndɛ́gɛ́na nɔnɔ bese ondimóní bɛnyɔ́ mɔ́ɔnyɔ a gá lɔ́mɔ́ a dɛ gɔ́nɛ́ná naá gioliminyo, kanɛ go fánɛna mbééníŋínyí sɛ́hɛ́.

Maamɔ́ɔ ánɛ́ɛ, go go sómbɛna uyogóní ba sɔ́gɔ́ɔ gɛsɛnɛ o? Akɛ́ a bɛ́ɛmba tɛ́ŋɛ́tɛŋɛ naá gioliminyo, akɛ́ o oba, bó núunemú ogɔ́nɔ́ɔ bɛhɛ́. Kɔ́ɔ a ŋgaá lɔbɛ́nɔ́ tɛ́ŋɛ́tɛŋɛ, goakɛ́ Daadáa, ogɔ́nɔ́ɔ bɛhɛ́, a bɛanana bogaaga bá go mo dímbigene.