Popular Bible Verses from Tóogio 3

Share

Ɛ́ná, yɔmɔ́ɔ mɔ́nyɔ́ɔ tɛ́nɛ́ɛ naá gɛasɛ́, kɔŋɔnɔ. Mɔtɔ a amɔ́ ɔ ɔ́bɔ ukelú yámɛ, a gunde a buune gɛasɛ́, kií íŋéné naá mɔ́ nnyaŋá, dɛ gɔnɔ nyáanya olɔŋɔ.

Ŋgíyimene buelí báhɔ, o do báá akɛ́ udénú, o do báá akɛ́ ofɛ́ɔ. Gásɛ́ kanɛ́ o lɔ́mɔ́ udénú, ɛ́na ofɛ́ɔ! Kanɛ́ aŋa o lɔ́mɔ́ ɔ́lɔlɔ ɔ́lɔlɔ, o do bɛ́ɛ́mbá akɛ́ udénú ɛ́na ofɛ́ɔ, kaá go nodá.

Naá bámɛ boayá, biimée báaba mbó maamanamɔ́, mbó goomanɛna, mbó fáanana noséésényée. Bɛ́ɛ́mba kanɛ́ na gɛlola, o núgie gɛɔyɔ.

Ŋgíyimene buelí báhɔ. Ɛ́ná, ŋgaá buune naá busío báhɔ gɛasɛ́ gɛ́ɛgɛ mɔtɔ a lɔ́mɔ́ a dɛ bósó ba go buige. O do báá na bogaaga makɔ́nɔ́, akɛ́ nɔ́ɔnɔ o mba bɛ́dɛ́gɛ́ná nogálɔ námɛ, o lɛ́ kanɛ go mbásáŋona.

Mɔ́ɔnyɔ a ŋgaá mánɛ́gɛ́ná, ka ŋga mo fáá bogaaga bá go nco lukumene namɛ naá oŋgɛ́yɔ́ yámɛ yá bufuŋe, aŋa yɔmɔ́ɔ tɔ́nɔ mmbaá noáa, mbáá mánɛ́gɛ́ná, gɔ́ɔ mbɛɛ́ ɛ́dá lukumene na Baaba naá oŋgɛ́yɔ́ yɛ́hɛ́ yá bufuŋe.

Ɛɛ́ɛŋ, go oya go amɔ́ ndɛ́ na bonɔ́mɛ, ndɛ́ ɛ́yáalú gɛnɔ́mɛ, cɛ baŋáa boóma, kanɛ́ o do lɛncá goŋaá o lɛ́ mahana, o háanahana, o lɛ́ osógasoga, ugélígeli gɔnɔ́ nnú gɔdɔɔ́.

Aŋa o mbaá bɛ́dɛ́gɛ́ná nogálɔ námɛ na ɛbágóɛga, yɔmɔ́ɔ tɔ́nɔ nná go beŋe go noséésényée nɔ́ɔnɔ nó nú úlinemú batɔ bá cí iŋkimée go go ɛ́na ɛkádɛ bá lɔ́mɔ́.

Ŋgúlene godɔ́ɔdɔ godɔ́ɔdɔ, nonáa tíŋítiŋi bɔ́ɔbɔ o bɛananamɔ́, goŋaá mɔtɔ a dɛ ncó bɔgɔ bɛsoɛná báhɔ.

Foyóga, o gíndie masɛnɛ má gioliminyo máama o gá lɔ́mɔ́ na má, goŋaá má gaá gúé púmúpúmú. Ŋgɛɛ́ ɛ́ná goŋaá meŋiigíe máhɔ akɛ́ má mémmue má dɛ báá bese naá busío bá Asaŋa bamɛ.